தீய இயல்புகளை விட்டு விட, நீங்கள் இடையறாது பாடுபட வேண்டும். மனதில் வேறூன்றியிருக்கும் பரம்பரையாகப் பெறப்பட்ட தீய இயல்புகளை தேடிக் கண்டு பிடித்து , விட்டு விடுங்கள்.இந்த இயல்புகளில் மிகவும் மோசமானவை த்வேஷமும், பொறாமையுமே.இவை தீவிர சுயநலத்திலிருந்தே எழுகின்றன. இவை மிருக குணங்கள்; ஒரு மனிதனில் இவைகளுக்கு இடம் இருக்கக் கூடாது. இந்த இயல்புகள் அடிக்கடி தோன்றிக் கொண்டே இருக்குமாதலால், நீங்கள் இவற்றை உடனடியாக விட்டு ஒழித்து விட வேண்டும். வருடத்திற்கு ஒரு முறை ஒரு குறிப்பிட்ட இடத்தில் செய்யப் படுகின்றன புற யக்ஞத்தைப் போல இல்லாமல், இதற்கு, இடையறாத அக யக்ஞத்தைச் செய்ய வேண்டும். எல்லாக் காலங்களிலும், எல்லா இடங்களிலும், அனைத்து சந்தர்ப்பங்களிலும், இந்த அக யக்ஞத்தைச் செய்ய வேண்டும். எப்போதெல்லாம் ஒரு தீய சிந்தனை அல்லது ஆசை உண்டாகிறதோ, அது எந்தக் கருணையும் இன்றி அழிக்கப் பட வேண்டும்.இடையறாத விழிப்புணர்வு மற்றும் தொடர்ந்த முயற்சி ஆகியவற்றின் மூலம் மட்டுமே இறை அருளை ஈட்ட முடியும். தீய இயல்புகள் வெளியேற்றப் பட்டால் மட்டுமே, தெய்வீகம் அதன் முழு காந்தியுடன் பிரகாசிக்க முடியும்.