தெய்வீகத்தின் விதை, மலர்ந்து கனிவதற்கு, அது மனித முயற்சி மற்றும் முறையான பராமரிப்பால் பேணப்பட வேண்டும்.பிறருக்கு, சிந்தனை, சொல் மற்றும் செயலால் தீங்கு விளைவிக்க வேண்டும் என்ற ஆசையின் அனைத்து சுவடுகளையும் உங்கள் மனதிலிருந்து நீக்கி விடுங்கள். தீங்கு விளைவிக்க வேண்டும் என்ற இப்படிப் பட்ட தாற்காலிகச் சந்தோஷம் தரும் நடத்தையில் ஈடுபடுவதன் விளைவு பேரழிவே. இப்படிப் பட்ட ஒவ்வொரு சிந்தனையும், உங்கள் மனதிலேயே ஊன்றப் படும் ஒரு முள் செடியின் விதையே.அது வளர்ந்து உங்களது சொந்த சாந்தி சந்தோஷங்களை அழித்து விடும். எனவே, இப்படிப் பட்ட மனப்பாங்கிற்கு எதிராக விழிப்போடு இருங்கள். உங்களது சிந்தனைகள், சொற்கள் மற்றும் செயல்கள், தெய்வீகத்தை நோக்கிப் பீடு நடை போடுபவர்களுக்கு உகந்ததாக இருக்குமாறு , தூய்மைப் படுத்துங்கள். சுயநலம், தான உணர்வை அழித்து விடும் அரிநோயாகும்.அது தவறு என்று நீங்கள் அறிந்திருந்தாலும் கூட, சுயநலம் உங்களை அதை எதிர்க்க விடாது. நீங்கள், அதை நிலையான மன உறுதியின் மூலம் வெல்ல முடியும்.உங்களது அறிவு, திறன்கள் மற்றும் நீங்கள் ஈட்டிய செல்வம்,நீங்கள் பலனடைந்த கருத்துக்கள் மற்றும் இலட்சியங்கள், கட்டுப்பாடு மற்றும் அர்ப்பணிப்பு உணர்வைக் கடைப்பிடிப்பதால் கிடைக்கும் ஆனந்தம் ஆகியவற்றை, பிறருடன் சந்தோஷமாகப் பகிர்ந்து கொள்ளுங்கள். பகிர்ந்து கொள்வது அவற்றை நலிவடைச் செய்யவோ அல்லது அவற்றின் மதிப்பைக் குறைக்கவோ செய்யாது; மாறாக அவற்றை அதிக காந்தியுடன் பிரகாசிக்கச் செய்யும்.