பரிசுத்தமான ப்ரேமை, ஒரு நன்கு சீரமைக்கப் பட்ட, தடைகளற்ற ஒரு வழிப்பாதையாகும். அதில், இறைவனை நோக்கி, நீங்கள் எவ்வளவு வேகமாக வேண்டுமானாலும் பாய்ந்து செல்லலாம். நதிகளும் கூட இந்தக் கோட்பாட்டைத் தான் விளக்குகின்றன.அனைத்து நதிகளும் மலைகளிலிருந்து கீழ் நோக்கிப் பாய்கின்றன. அவை வேகமாகவும், விரைவாகவும் எங்கோ செல்கின்றன. எங்கே ? கடலை நோக்கி. இந்த வழியில்,அவை பாறைகள் மற்றும் கற்களின் மீது பாய்ந்து ஓடி,வழியில் உள்ள தடைகளை திறமையுடன் தவிர்த்துச் செல்கின்றன. அவை ஒருபோதும் நிற்காது,ஆனால், எப்போதும், குறிக்கோளை நோக்கி ஓடிக் கொண்டே இருக்கின்றன. வாழ்க்கையும், இறைவன் எனும் கடலை நோக்கி பாய்ந்து செல்லும் ஒரு நதியைப் போல இருக்க வேண்டும்.இந்த ஓட்டம் ஒருபோதும் நிற்கவோ அல்லது நிலைகுலையவோ கூடாது. தடைகள் அனைத்தையும் மீறி, நீங்கள் இறைவனை நோக்கி பாய்ந்து சென்று கொண்டே இருக்க வேண்டும்.அதுவே உங்களது ஆன்மீகப் பயணத்தின் லட்சணமாக இருக்க வேண்டும்.வலுவான மனம் படைத்தவராய், உறுதியானவராய், ஒருமுனைப்புடையவராய், உண்மையானவராய் இருங்கள். எந்த விதமான விரக்தி, மனச்சோர்வு அல்லது பலஹீனத்திற்கும் அங்கு இடம் இருக்கக் கூடாது. உங்களது பார்வை மற்றும் நீங்கள் கேட்பதைத் திருத்திக் கொண்டு, உங்களது எண்ணங்கள் மற்றும் உணர்வுகளைப் பற்றி ஆழ்ந்து சிந்தித்து,உங்களது செயல்கள் சீரானதாகவும்,நல்லதாகவும் இருப்பதை உறுதி செய்யுங்கள். பின்னர், நீங்கள் ஆனந்தத்தைத் தவிர வேறு எதையும் அனுபவிக்க மாட்டீர்கள்.