இஸ்லாம் என்றால், இறைவனை சரணாகதி அடைவது என்று பொருள் கொண்டதால், சமுதாயத்தில், ஒரு சரணாகதி மற்றும் அர்ப்பணிப்பு உணர்வுடன், சாந்தி மற்றும் இசைவோடு வாழும் எவராக இருந்தாலும், உண்மையில் அவர்கள் இஸ்லாத்தைச் சார்ந்தவரே. இஸ்லாம், சிந்தனை, சொல் மற்றும் செயலுக்கு இடையில் முழு ஒருங்கிணைப்பை வலியுறுத்துகிறது. இஸ்லாமிய சாதுக்களும், ஆன்றோர்களும், ‘’ நான் ‘’ என்பது உடலே என்ற உணர்வு மற்றும், ‘’ நான்’’ என்பது மனமே என்ற உணர்வு ஆகியவற்றின் ஏற்புடமையை நாம் ஆராய்ந்து, ‘’ நான்’’ என்பது, அந்த பரமாத்மாவான இறைவனுக்காக ஏங்கும் ஆத்மாவே என்ற முடிவிற்கு வர வேண்டும் என்று வலியுறுத்திக் கொண்டு வந்துள்ளார்கள். ரம்ஜான் மாதத்தின் போது செய்யப்படும் உபவாசம், மற்றும் பிரார்த்தனைகள், இந்த உணர்வைத் தட்டி எழுப்பி, வெளிப் படுத்துவதற்காகவே குறிப்பாக வடிவமைக்கப் பட்டுள்ளன. எந்த மதத்தை வேண்டுமானாலும் எடுத்துக் கொள்ளுங்கள்; நீங்கள், அது ஒற்றுமை, இசைவு மற்றும் சமமான மனப்பாங்கு ஆகியவற்றையே வலியுறுத்துவதைக் காண்பீர்கள். எனவே நீங்கள் அனைவரும், ப்ரேமை, சகிப்புத் தன்மை மற்றும் கருணையை அபிவிருத்தி செய்து கொண்டு அந்த பிரபஞ்சமயமான கோட்பாடுகளை, உங்களது அனைத்து அன்றாட செயல்களிலும், ஒவ்வொரு நாளும் எடுத்துக் காட்ட வேண்டும். என் ஆசிகளுடன், நான் உங்களுக்கு இன்று வழங்கும் உபதேசம் இதுவே !