நீங்கள் பணிவுடன் இருக்க வேண்டும்; ஆனால், அதே சமயம் ஆசைத் தூண்டுதலை எதிர்க்கும் அளவு மன வலிமை உள்ளவர்களாக இருக்க வேண்டும். கோழைகளைப் போல, புலன்களின் கபடமான ஆலோசனைகளுக்கு இடம் அளித்து விடாதீர்கள். பள்ளி வாழ்க்கையின் உங்கள் நேரத்தை, நீங்கள் வாழ்வதற்குத் தேவையான வருமானத்தை அளிக்க வல்ல சில திறன்களைப் பெறுவதற்காகவும்,, சில தகவல்களைச் சேகரிப்பதற்காக மட்டுமே பயன்படுத்தாது, அதை, திருப்தி மற்றும் அமைதி, பொறுமை மற்றும் தைரியத்துடன் இருக்கும் கலையையும் கற்றுக் கொள்வதற்காகவும் கூட பயன்படுத்த வேண்டும்.இந்த உலகத்தைப் பற்றிய மற்றும் உங்களைப் பற்றிய சத்தியத்தையும் தெரிந்து கொள்வதற்கான தணியாத தாகத்தையும் கூட, நீங்கள் பள்ளியில் வளர்த்துக் கொள்ள வேண்டும். உங்கள் வார்த்தைகள் தேனாக இனிக்க வேண்டும்; உங்கள் இதயங்கள் வெண்ணையைப் போல மிருதுவாக இருக்க வேண்டும்; உங்கள் தொலைநோக்கு ஒரு விளக்கைப் போல, குழப்பமின்றி ஒளியூட்டுவதாக இருக்க வேண்டும். விளையாட்டை கவனித்து, அதன் விதிமுறைகளின் படி, சீர்தூக்கிப் பார்த்து, எந்த ஒரு அணியின் வெற்றி,தோல்வியால் பாதிக்கப் படாமல் இருக்கும், கால் பந்துப் போட்டியின் அரங்கில் உள்ள, ஒரு நடுவரைப் போல இருங்கள் !