உங்களுக்கு இறைவன் பால் ஒருமுகச் சிந்தனை கொண்ட பக்தி இருக்க வேண்டும். உங்களது பக்தி முழுமையானதாகவும்,நிபந்தனையற்றதாகவும் இருக்க வேண்டும். உங்களது நம்பிக்கை, ‘’ மேலும், கீழும் ஏறிக் குதித்து ‘’ நிலையற்றதாக இருந்தால், நீங்கள் குழப்பமடைந்து, அமைதியற்றவர்களாக ஆகி விடுவீர்கள்.உங்களது ஆசைகைளக் கட்டுக்குள் வைத்திருங்கள். வரையற்ற ஆசைகள் உங்களை தெய்வீகத்திலிருந்து விலக்கி விடும். ஆசைகளை அழிப்பது உங்களை ஒற்றுமைத் தத்துவத்திற்கு இட்டுச் செல்லும். நீங்கள் இடையறாது நற்குணங்களை வளர்த்துக் கொண்டு, ஒரு நல்ல வாழ்க்கை நடத்த வேண்டும்.கல்வியின் நோக்கத்தைப் புரிந்து கொண்டு, அதற்கு ஏற்றவாறு நடத்து கொள்ள வேண்டும்.அதன் பிறகே, நீங்கள் மனிதப் பிறவி எடுத்ததற்கு ஒரு அர்த்தம் இருக்கும்.ஒரு மின் விளக்கு பலருக்கு ஒளியூட்ட முடியும். அதைப் போலவே, ப்ரேமை நிறைந்த ஒரு இதயம், பலரின் வாழ்க்கைகளுக்கு விளக்கேற்ற முடியும்.படித்தவர்கள், படிக்காதவர்களை ஏளனமாக நோக்கக் கூடாது. அவர்கள் உண்மையிலேயே கற்றவர்கள் என்றால், ஒவ்வொருவரையும் சமமாகக் கருதி, ஒற்றுமையை அபிவிருத்தி செய்வார்கள். ஒற்றுமை இருக்கும் இடத்தில் பரிசுத்தம் இருக்கும். ஒற்றுமையும், பரிசுத்தமும் இருந்தால், நீங்கள் கண்டிப்பாக தெய்வீகத்தை அனுபவிக்க முடியும். ப்ரேமையே, ஒற்றுமைக்கு ஆதாரம். வித்தியாசங்கள் தோன்றுமானால், தூய ப்ரேமை அங்கு இல்லை என்று தெரிந்து கொள்ளுங்கள்.