அன்னை ஈஸ்வரம்மாவின் மூன்று உன்னதமான விருப்பங்களைப் பூர்த்தி செய்வதற்காக, நான் புட்டபர்த்திக்கு மட்டுமல்ல, அதைச் சுற்றியுள்ள அனைத்து கிராமங்களுக்கும் கூட குடி தண்ணீர் அளித்தேன்.நான் நிறுவிய அந்தச் சிறிய பள்ளிக்கூடம், இன்று ஒரு பெரிய பல்கலைக்கழகமாக ஆகியுள்ளது.நான் கட்டிய அந்தச் சிறிய வைத்தியசாலை, இப்போது ஒரு சூப்பர் ஸ்பெஷாலிட்டி ஆஸ்பத்திரியாக ஆகி விட்டது.தனது அனைத்து விருப்பங்களும், ஒரு மகத்தான முறையில் நிறைவேறியிருப்பதைக் கண்டு, அன்னை ஈஸ்வரம்மா ஆனந்தக் கண்ணீர் வடித்தார்.அவர் சந்தோஷமான மற்றும் திருப்தியான வாழ்க்கை வாழ்ந்து, மனச் சாந்தியுடன் காலமானார்.ஒவ்வொரு பிள்ளையின் முன் முதற் கடமை, தனது தாயின் ஆசைகளைப் பூர்த்தி செய்து அவளை ஆனந்தப் படுத்துவதே. இரண்டாவதாக, முடிந்த அளவு அனைவருக்கும் சேவை ஆற்றுங்கள். உங்களுடைய வசதி மற்றும் திறமைக்கு மீறிய எந்த சேவைப் பணியையும் நீங்கள் செய்ய வேண்டாம்.மூன்றாவதாக,உங்களது அக்கம் பக்கத்தினர் துன்பப் பட்டுக் கொண்டு இருந்தால்,அவர்களுக்கு ஆறுதல் அளியுங்கள். அவர்களுக்கு உதவி செய்ய முயன்று, அவர்களை சந்தோஷப் படுத்துங்கள். இதைத் தான் நான் உங்களிடமிருந்து எதிர் பார்க்கிறேன். இந்த மூன்று சேவைக் கோட்பாடுகளை நீங்கள் அனைவரும் கடைப்பிடித்து, ஆனந்தத்தை அனுபவித்து,அதை எல்லோருடனும் பகிர்ந்து கொள்ள வேண்டும் என உங்களுக்கு நான் அறிவுறுத்துகிறேன்.