அதிக பொருட்கள், அதிகத் தடைகள், அதிக இயலாமைகள். சோஃபாக்கள், நாற்காலிகள், கட்டில்கள், மேஜைகள் மற்றும் அலங்காரப் பொருட்கள் இருக்கும் இடத்தை அடைத்துக் கொண்டு, புழங்குவதை தாமதமானதாக்கவும், அபாயகரமானதாகவும் ஆக்குகின்றன. தேவைகளைக் குறைத்துக் கொண்டு, எளிமையாக வாழுங்கள்; அதுவே சந்தோஷத்தின் திறவு கோலாகும். பற்றுதல், அதன் வழக்கத்தில், துயரத்தை கொண்டு வருகிறது !அனைத்தையும் பின்னால் விட்டு விட்டு,அனைவரையும் துறக்க வேண்டும் என மரணம் வேண்டும் போது, நீங்கள் துக்கத்தினால் ஆட்கொள்ளப் படுகிறீர்கள் ! தாமரையைப் போலத் தண்ணீரின் மேல் இருங்கள், அதனுள் அல்ல.தாமரை வளருவதற்கு நீர் தேவை; ஆனால், ஒரு சொட்டு நீர் கூட அதை நனைக்க, அது அனுமதிப்பதில்லை. பொருட்களாலான உலகம் நல்லொழுக்கத்தின் அரங்கமும், ஆத்மாவின் பயிற்சிக் கூடமும் ஆகும். அந்த நோக்கத்திற்காக மட்டுமே அதைப் பயன்படுத்துங்கள்; அதை ஒரு உயர்ந்த அந்தஸ்திற்கு உயர்த்தி விடாதீர்கள் ! பெற்றோர்கள், முதியோர்கள் மற்றும் ஆசிரியர்கள் ஆகியோரின் மீது மரியாதை மற்றும் ஏழை, எளியவர்களுக்கு சேவை ஆகியவற்றுடன் கூடவே, எளிமையான ஆன்மீக சாதனையான இறை நாமஸ்மரணையை எடுத்துக் கொள்ளுங்கள்.ஒவ்வொருவரையும் உங்களது இஷ்ட தேவதையாகப் பாருங்கள். அது உங்களது இதயத்தை, ப்ரேமையால் நிரப்பி, நிலையான மனதையும், சாந்தியையும் அளிக்கும்.