நீங்கள் சாய் பக்தர்கள் என்று உரிமை கொண்டாடுவதால், சுவாமி காட்டிய வழியை கண்டிப்பாகப் பற்றி ஒழுகி, அனைவரையும் மகிழ்விக்க வேண்டாமா? நீங்கள் என் அடிச்சுவடுகளைப் பின்பற்றினால், நிச்சயம் புனிதமான விளைவுகளைப் பெற்று, ஒரு நல்ல பெயரை ஈட்டுவீர்கள். சாய் பக்தர்களாக இருப்பதால், சுயநலத்தை விடுத்து,உங்களது வாழ்க்கைகளை சமுதாயத்தின் நலனுக்காக அற்பணியுங்கள். வியாச முனிவர், பதினெட்டு புராணங்களின் சாரத்தை இரண்டே வாக்கியங்களில் கூறியுள்ளார், ‘’ பரோபகாராய புண்யாய, பாபாய பர பீடனம் ‘’(பிறருக்கு சேவை செய்வதால் புண்ணியத்தையும், பிறருக்கு தீங்கு விளைவிப்பதால் பாவத்தையும் அடைகிறீர்கள் ), பாரத கலாசாரத்தின் முக்கியமான கோட்பாடுகள் இவையே. நீங்கள் பிறருக்கு உதவி செய்தால், அதை விட பத்து மடங்கு அதிக உதவியைப் பெறுவீர்கள். பிறருக்கு தீங்கு இழைத்தால், அதைப் போன்று பத்து மடங்கு அதிக தீங்கை அனுபவிப்பீர்கள். உங்கள் வாழ்க்கைகளை ப்ரேமையால் நிரப்புங்கள். பிறரை விமரிசிப்பதை நிறுத்துங்கள்.உங்களை வெறுப்பவர்களையும் கூட மதியுங்கள். வெறுப்பது ஒரு தீய குணமாகும். அது உங்களை நாசமாக்கி விடும்.எனவே, இந்தத் தீய இயல்பை விட்டொழியுங்கள். அனைவரையும் நேசியுங்கள். ஏழைகளுக்கும், வறியவர்களுக்கும் முடிந்த அளவு உதவுங்கள்.