அலையும், கடலும் பிரிக்க முடியாது இருப்பதைப் போன்று, இறைவனுடனான இணை பிரியாத ஒரு இணக்கத்தை, நீங்கள் உணர வேண்டும். நீங்கள், ராதா,மீரா,கௌரங்கா மற்றும் துக்காராமுடைய பாதையைப் பின்பற்ற வேண்டும். உங்களுக்கு, அலையைப் போன்ற நாம, ரூபம் இருந்தாலும் கூட, நீங்களும் உண்மையில், கடலைப் போன்று அதே சாரமும், அதே சுவையும், அதே குணமும் கொண்டவர்களே. பாலில் இருக்கும் போது, அதில் உள்ளார்ந்து உறையும் வெண்ணெய்க்கு தனிப்பட்ட நாம, ரூபம் இருப்பதில்லை; ஆனால், அதை நீங்கள் வெளியே எடுக்கும் போது, அதற்கு, பாலிலிருந்து வேறுபட்ட ப்ரத்யேகமான ஒரு நாம, ரூபம் இருக்கிறது. நெய்க்கும் கூட, திரவமாக இருக்கும் போது, அதற்கு என்று ஒரு குறிப்பிட்ட ரூபம் இருப்பதில்லை: ஆனால் அது உறையும் போது, அதற்கு ஒரு ரூபம் கிடைக்கிறது. அதைப் போலவே, மாதவ தத்துவம் ( தெய்வீக நிலை ) ஒரு ரூபத்தை ஏற்கும் போது, அது மானவன் ( மனிதன் ) ஆகிறது.