பலர், ‘’ ஒரு புனிதமான ஆன்றோரின் தரிசனம் செய்யும் வாய்ப்பு, பாவத்தை அழிக்கிறது (பாபநாசனம்) என்று சொல்லப் படுகிறது. நல்லது, நான் ஒருமுறை அல்ல பல முறை தரிசனம் செய்து விட்டேன், இருந்தாலும் எனது தீய வினை என்னை விட்ட பாடில்லை; நான் முன்பை விட அதிகமாகக் கஷ்டப்படுகிறேனே ‘’ என்று புலம்புகிறார்கள். உண்மை தான், நீங்கள் வந்து, தரிசனத்தைப் பெற்றிருக்கலாம்; புதிதாகப் பெற்ற, ப்ரேமை, நம்பிக்கை, பக்தி, நல்லோரின் நட்பு வட்டம், தெய்வீக சிந்தனைகள், இறை நாமஸ்மரணை போன்ற புதிய விதைகளை இப்போதிலிருந்து நீங்கள் விதைத்திருக்கிறீர்கள் மேலும் நீங்கள் தீவிர விவசாயம் மற்றும் மண் பண்படுத்துதலின் கலையைக் கற்றுக் கொண்டுள்ளீர்கள். எனவே, நீங்கள், நன்கு பண்படுத்தப் பட்ட பரிசுத்தமான இதயங்கள் எனும் நிலத்தில் , இப்போது தான் இந்த விதைகளை விதைத்துள்ளீர்கள். நீங்கள் அதன் அறுவடைக்காகக் காத்திருக்க வேண்டாமா? புதிய அறுவடை வரும் வரை, முந்தைய மகசூல்களிலிருந்து நீங்கள் சேர்த்து வைத்துள்ள தானியங்களை உண்பதைப் போல, நீங்கள் இப்போது அனுபவிக்கும் கவலைகள் மற்றும் துன்பங்கள், உங்களது முந்தைய அறுவடைகளில் நீங்கள் குவித்து வைத்துள்ளவையே ! எனவே, மனம் வருந்தி, தைரியத்தை இழக்காதீர்கள். உங்கள் ஆன்மீக சாதனையை விடாது தொடர்ந்து செய்யுங்கள் !