நீங்கள், ‘’ நான் வியாதியில் வீழ்ந்து விட்டேன் அல்லது நான் நல்ல ஆரோக்யமாக இருக்கிறேன் ‘’ என்றெல்லாம் சொல்கிறீர்கள். ஏனென்றால், ‘’ நீங்கள்’’ என்பது உங்கள் உடல் என நீங்கள் கருதுகிறீர்கள்; உண்மையில் நீங்கள் பஞ்ச கோசங்களால் மூடப்பட்ட ஆத்மாவே. இந்தத் தவறான கருத்து , புலன்களின் மூலம் ஒருவர் பெறுகின்ற ஆனந்தம் ஒன்று தான் பெறக் கூடியது என போதிக்கும் தற்காலத்திய கல்வி முறையின் விளைவே. இது, ஒருவர் தன்னுள் கொண்டிருக்கும் நிரந்தர ஆனந்த ஊற்றை, மனிதனுக்கு எடுத்துக் காட்டுவதில்லை. மனச் சாந்தியைப் பெறும் கலைக்கான எந்தப் பயிற்சியும் இதில் இல்லை. நவீன கலாசாரத்தின் குழப்பத்திற்கு நடுவில், சமச்சீரான மனப்பாங்கினை பெறுவதற்கான ரகசியம் எவருக்கும் கூறப் படுவதில்லை. மனித குலத்தை பயம்,கலக்கம் மற்றும் மனச்சோர்விற்குக் கட்டி இழுத்துச் செல்லும் சுழலோடு மிதப்பதற்கு, ஒவ்வொருவரும் தூண்டப் படுகிறார்கள். இந்நாளைய வாழ்க்கை, வீட்டின் தலைவர் ஒரு சுவையற்ற பத்தியத்தில் இருக்கும் போது, குடும்பத்தின் அங்கத்தினர்கள் ஒரு விருந்தில் திளைத்திருப்பதைப் போன்ற சூழ்நிலையைப் போன்றதாகும். புலன்கள் வரையின்றிக் கூத்தடிக்கின்றன; ஆனால், ஆத்மா உதாசீனப்படுத்தப் படுகிறது.