உங்களுக்குப் பிரார்த்தனை செய்ய நேரம் இல்லை என்று நீங்கள் நியாயப்படுத்திப் பேசினால், சோம்பேறித் தனமே உங்களை அவ்வாறு வாதிட வைக்கிறது என்று நான் கூறுவேன். உங்களது பிறவியின் நியாயமான அந்த நோக்கத்தை விடத் தாழ்ந்த எந்தப் பணியும், நேரத்தின் மீது எவ்வாறு உரிமை கோர முடியும்? ஒவ்வொரு நாளும் இறப்பிலிருந்து நீங்கள் மீண்டும் விழித்து எழுவது போல எழுங்கள் உங்களது படுக்கையில் அமர்ந்த படியே கீழ் கண்டவாறு பிரார்த்தியுங்கள், ‘’ நான் இன்று இப்படிப் பிறந்துள்ளேன். என்னை இதமான, இனிமையான வார்த்தைகளைப் பேச வையுங்கள்; அனைவரிடத்தும் அமைதியாகவும்,ஆறுதலாகவும் நடந்து கொள்ள வையுங்கள்; அனைவர் மீதும் சந்தோஷத்தைப் பொழிந்து, அனைவருக்கும் பயனளிக்கும் சிந்தனைகள் என் மனதில் உருவாகுமாறு செய்யுங்கள். இந்த நாள் உங்களது சேவைக்கு உகந்ததாக அமையட்டும் ‘’. இந்த உறுதிமொழியை நாள் முழுவதும் நினைவில் கொள்ளுங்கள். இரவு படுக்கச் செல்லும் போது, நிமிர்ந்து அமர்ந்து, அன்றைய நாளின் அனைத்து அனுபவங்களையும் விரைவாக ஆராயுங்கள்; யாருக்காவது, சொல் அல்லது செயலால் துன்பத்தையோ அல்லது துக்கத்தையோ நீங்கள் ஏற்படுத்தினீர்களா என சீர் தூக்கிப் பாருங்கள். பின்னர், ‘’ நான் இப்போது இறந்து உன் மடியில் வீழப் போகிறேன்.ஏதாவது தவறு இருந்தால் என்னை மன்னியுங்கள்; உங்களது அன்பான அடைக்கலத்தில் என்னை ஏற்றுக் கொள்ளுங்கள் ‘’ என்று பிரார்த்தியுங்கள்.