வாழ்க்கை என்பது ஒரு வரையறைகளுக்குள் இயங்க வேண்டிய நிறுவனம் போன்றதாகும். அதில் அனைத்து செயல்களும்,அவை ஒவ்வொன்றிற்கும் உரிய வரையறைகளுக்கு உட்பட்டே இருக்க வேண்டும்.ஆசைகள் கட்டுப் பாட்டுக்குள் இருக்கும் போது, உண்மையான சந்தோஷத்தை அனுபவிக்க முடிகிறது. தானம் செய்வதிலும் கூட, வரம்புகளைக் கடைப்பிடிக்க வேண்டும்.உங்களது பரிசுகள், உங்களது பொருளாதார திறன்களை மீறியதாக இருக்கக் கூடாது.அவை உங்களது திறன்களுக்குக் குறைந்ததாகவும் இருக்கக் கூடாது. நீங்கள் உங்கள் வரம்புகளை மீறினால்,பின்னர் பொருளாதார பிரச்சனைகளை எதிர் கொள்வீர்கள். நீங்கள் , கஞ்சத்தனமாக இருந்தால், தேவைப் படுபவர்கள் இடமிருந்து, அவர்களுக்கே உரித்தானவற்றை நீங்கள் பிடித்து வைத்துக் கொண்டு விடுவீர்கள்.தானம் என்பது பணத்தோடு நின்று விடக்கூடாது என்பதையும், தானம் கண் மூடித் தனமாக இருக்கக் கூடாது என்பதையும், எப்போதும் நினைவில் கொள்ளுங்கள்.நீங்கள், உங்களது, பௌதீக,மானசீக, ஆன்மீக வளங்களை, உங்களது சமுதாயத்தில் உள்ளவர்களோடு, பொருத்தமான முறையில் பகிர்ந்து கொள்ள வேண்டும். நிலைமையின் தேவைகளுக்கு ஏற்றவாறு, தானே முன் வந்து உதவுங்கள். பசியால் வாடுவோருக்கு உணவு அளிக்கப் பட வேண்டும்;தேவைப்படுபவர்களுக்கு, உடைகளும், நிவாரணமும் அளிக்கப் பட வேண்டும். இப்படிப் பட்ட பகிர்வு மற்றும் தியாகத்தின் மூலமே,ஆத்ம ஞானம் பெறப்படுகிறது.