நீங்கள் இன்று அனுபவிக்கும் சாந்தியோ அல்லது கவனச்சிதறலோ, அமைதியோ அல்லது கலக்கமோ, உங்களது சொந்த சிந்தனைகள் மற்றும் செயல்கள் மேலும் உங்கள் மீதும் ,பிறரின் மீதும் உங்களது மனப்பாங்கு மற்றும் நடத்தை ஆகியவற்றின் விளைவுகளே. பலர் இறைவனது நாம, ரூபங்களின் மீதான முறையான தியான முறையைக் கடைப்பிடிக்கிறார்கள்; அதன் மூலம், இதயத்தின் கலக்கங்களை அமைதிப்படுத்தி, ஆத்ம சாக்ஷாத்காரத்திற்கான பாதையை திறக்கச் செய்துள்ளார்கள். தியானம் ஒரு இலட்சியத்திலிருந்து மற்றொரு இலட்சியத்திற்குத் தாவுவதாக இருக்கக் கூடாது; அல்லது வெறும் ஒரு இயந்திர மயமான புத்தக முறை அல்லது ஒரு கடுமையான மூச்சுப் பயிற்சியின் கால அட்டவணை அல்லது மூக்கின் நுனியை அர்த்தமற்று கூர்ந்து பார்ப்பது என்ற அளவிற்குத் தாழ்த்தப் பட்டு விடக் கூடாது ! அது, புலன்கள், நரம்பு ஓட்டம் மற்றும் கற்பனைகளின் இறக்கைகளைக் கட்டுப்படுத்தும் ஒரு கடினமான முறையாகும். அதனால் தான், தியானம் என்பது, காம, க்ரோத, லோப, மோஹ, மத, மற்றும் மாத்ஸர்யங்கள் எனப்படும் ஆறு பெரிய மலை உச்சிகளின் மறு பக்கத்தில் இருக்கும் சாந்தியின் பள்ளத்தாக்கு எனப் பொருத்தமாக அழைக்கப்படுகிறது. நீங்கள் இந்த மலைத் தொடர்கள் மீது ஏறி, அதற்கு அப்பால் இருக்கும் பள்ளத்தாக்கினை அடைய வேண்டும்.