சங்கராந்தி அன்று, வெல்லத்தையும், எள்ளையும் கலந்து அனைவருக்கும் அளிப்பது ஒரு வழக்கமாகும். வெல்லம் இனிப்பானதும்,ப்ரேமையின் ஒரு சின்னமும் ஆகும். எள், ஸ்நேகம் அதாவது நட்பு என்றும் அழைக்கப் படுகிறது. எனவே வெல்லம் மற்றும் எள்ளின் கலவையை அளிப்பது, மக்களுக்கு ‘’ நட்பில் தோய்ந்த ப்ரேமையை ‘’ அளிப்பது என்று பொருள் படுகிறது.ஒருவரது உற்றார், உறவினர், மற்றும் நண்பர்கள் அனைவரும் ஒன்று சேர்ந்து இந்தப் பண்டிகையைக் கொண்டாடுவதன் மூலம், அவர்களிடத்தில் ப்ரேமையை வளர்ப்பதே, சங்கராந்தி அளிக்கும் செய்தியாகும். அனைவரிடத்திலும், இசைவை அபிவிருத்தி செய்து கொள்ளுங்கள். இந்நாளில் நட்பு எனக் கூறப்படுவதில் பெரும்பாலும், செல்வந்தர்களாக இருக்கும் போது அவர்களுடன் இணைந்திருந்து, அவர்களது செல்வத்தினால் பயனடைவதில் தான் இருக்கிறது. அவர்கள் துன்பப்படும்போது, அதே மனிதர்கள் அவர்களை ஏறெடுத்தும் கூடப் பார்ப்பதில்லை. இது உண்மையான நட்பல்ல. உண்மையான நட்பு என்பது இதயத்திலிருந்து வெளிப்பட்டு, இன்பம் அல்லது துன்பத்தினால், பாதிக்கப் படாமல் இருக்க வேண்டும். உண்மையில், இறைவன் மட்டுமே, எல்லாச் சந்தர்ப்பங்களிலும் கை விடாத ஒரு நண்பனாவான். அவன், உங்களுடனும், உங்களுக்கு மேலும், உங்களுக்குக் கீழும், உங்களுக்குப் பக்கத்திலும், உங்களைச் சுற்றியும் உள்ளான்.