இளைஞர்களுக்கு இன்று நல்லோரின் நட்பு தேவையாக இருக்கிறது. கெட்ட வார்த்தைகளைப் பேசி, புனிதமற்ற செயல்களில் ஈடுபடுவோர்களோடு சேர்வதால், இளைஞர்கள் தவறான பாதைகளில் செல்கிறார்கள். நீங்கள் எல்லாவிதமான தீய நட்பையும், முழுமையாகத் தவிர்த்து ஒதுக்க வேண்டும். ஒரு இருண்ட கானகத்தில் வழி காண்பதற்கு உங்களுக்கு ஒரு விளக்கு தேவை. அதைப் போலவே, வாழ்க்கை எனும் கானகத்தில், உங்களைச் சரியான பாதையில் இருக்கச் செய்து,சரியான குறிக்கோளுக்கு இட்டுச் செல்ல வல்ல, நல்லவர்களின் வழி காட்டுதல் உங்களுக்குத் தேவை.ஒரு தீய மனிதன் கூட, நல்லவர்களோடு இணைவதால், திருந்தி விடுகிறார்.ஆனால் ஒரு நல்ல மனிதர், தீயவர்களின் நட்பு வட்டத்தில் வீழ்வதால், தீயவராக ஆகி விடுகிறார்.ஒரு லிட்டர் பாலை, பத்து லிட்டர் தண்ணீரில் சேர்த்தால், பாலும் மதிப்பில்லாத அளவு நீர்த்து விடுகிறது. ஆனால், பத்து லிட்டர் பாலில் சேர்க்கப் பட்ட ஒரு லிட்டர் தண்ணீர் உயர்ந்த மதிப்பை அடைந்து விடுகிறது. நீங்கள் நட்பை வளர்க்கும் போது, நல்ல பேச்சு, நன்னடத்தை மற்றும் நற்செயல்களை ஆற்றும் ஒரு குழுவினரோடு சேருவதை உறுதி செய்து கொள்ளுங்கள். பிறருடன் ஒரு சாதாரண உறவை மட்டுமே வைத்துக் கொள்ளுங்கள்.