நீங்கள் அனைவரும், சாந்தி, சத்யம், அஹங்காரமின்மை (நிர்அஹங்கார) மற்றும் பொறாமையின்மை ( அனசூயா ) என்ற நான்கு முக்கியமான குணங்களைக் கொண்டிருக்க வேண்டும். இந்த நான்கனைத்திலும் தோய்ந்திருப்பதே, பரிசுத்தமான ப்ரேமையின் குணமாகும். இந்த குணங்களை, சந்தையிலிருந்தோ, கல்வியின் மூலமோ, ஒரு ஆசிரியரிடமிருந்தோ அல்லது எவரிடமிருந்து பரிசாகவோ, பெற முடியாது.இவற்றை, உங்களது சொந்த முயற்சியினால் மட்டுமே நீங்கள் பெற முடியும்.இந்த சீரிய குணங்களை சிறு வயதிலிருந்தே வளர்த்து, அபிவிருத்தி செய்து கொள்ளுங்கள். பெற்றோர்கள் அல்லது ஆசிரியர்களின் தண்டனைக்கு பயந்து, குழந்தைகள் பொய்மையில் ஈடுபட்டு, முழுமையான உண்மையைப் பேசுவதைத் தவிர்க்கிறார்கள்.இந்த மனப்பாங்கு,நாளடைவில், அவர்களை இரட்டை வாழ்க்கை நடத்தச் செய்து, அவர்களது வாழ்வனைத்தையும் பாழடித்து விடுகிறது. குழந்தைப் பருவத்திலிருந்தே, குழந்தைகளுக்கு, உண்மையைப் பேசுவதற்கும், அவர்களது தவறுகளை ஒப்புக் கொள்வதற்கும் கற்றுத் தரப்பட வேண்டும். தவறான செயல்களுக்காக, திருத்தப் படுவதில் எந்தத் தவறும் இல்லை; இந்தத் திருத்துதல்கள், பெரியவர்களான ஆன பின் அவர்கள் நல்ல முறையில் நடப்பதைக் கற்றுக் கொள்ள அவர்களுக்கு உதவும். எந்தக் கஷ்டம் வந்தாலும், உண்மையைப் பேச வேண்டும் என்பது இளைஞர்களின் தூய மற்றும் களங்கமற்ற மனங்கள் மற்றும் இதயங்களில்,ஆணித்தரமாகவும்,ஆழமாகவும் பதிவு செய்யப் பட வேண்டும்.