நீங்கள் இறைவனைக் காண முடிந்தாலும், முடியாவிட்டாலும், அவன் அங்கிங்கெனாதபடி எங்கும் நிறைந்துள்ளான். அவனே, கடந்த காலம், நிகழ்காலம் மற்றும் எதிர் காலமும் ஆவான் ! இறைவன் ஒருவனே, ஒருவனாக மட்டுமே இருக்க முடியும், பலர் அல்ல ! ‘’ இறைவன் ஒருவனே, அவன் அங்கிங்கெனாதபடி எங்கும் நிறைந்தவன். இருப்பது ஒரே மதம் ,அதுவே அன்பு மதம். இருப்பது ஒரே ஒரு மொழி அதுவே இதய மொழி ‘’இந்த இறைவனை இடையறாத ஆன்மீக சாதனையின் மூலம் காண வேண்டும். சந்தேகம் அல்லது தயக்கத்தில் உங்களை நீங்களே ஆழ்த்திக் கொள்ளாதீர்கள். ஆன்மீக சாதனையைக் கடைப்பிடித்து, உங்களது மனச்சாட்சியை பரிசுத்தப் படுத்தி மட்டும் விட்டீர்கள் என்றால், உங்கள் இதயத்தில் இறைவன் கொலு வீற்றிருப்பதை நீங்கள் காண்பீர்கள். கோப்பையில் சர்க்கரை இருக்கிறது; ஆனால் நீரில் சுவை இல்லை; ஏனெனில், நீங்கள் அதை நன்றாகக் கலக்கவில்லை. இந்த உலகில் இறைவன் உள்ளான்; தெய்வீகத்தின் ஒவ்வொரு துளி அல்லது அணுவையும் நன்கு கலக்குவதன் மூலம், நீங்கள் உங்கள் உலகத்தை, வாழ்வதற்கு மிகவும் இனிமையானதாக ஆக்கிக் கொள்ள முடியும். புத்தியே கரண்டி, ஆன்மீக சாதனையே கலக்கும் முறை. உங்களது வாழ்க்கையின் ஒவ்வொரு தருணத்தையும் இறைவனில் தோய்ந்திருக்குமாறு செய்யுங்கள்; உங்களது அன்றாட வாழ்க்கை மிகவும் இனிமையானதாக சுவைக்கும் !