எந்தவிதமான மற்றும் அனைத்து சந்தர்ப்பங்களிலும், உங்களது உணர்வுகளும் செயல்களும், பரிசுத்தமானதாகவும், சீலமானதாகவும், சீரியதாகவும் இருக்கட்டும். உங்களது செயல்கள் அனைத்தும், அனைவரின் தலைசிறந்த நன்மைக்கானதாக இருக்கட்டும்.உங்களது இதயமே புனிதமான உணர்வுகளின் மையமாகும்.அது தயையால் நிரம்பி உள்ளது. தயையே, புனிதமான உணர்வுகளை தட்டி எழுப்புகிறது.நீங்கள் தயையை அபிவிருத்தி செய்து கொண்டு, ப்ரேம ஜோதியைப் பரப்பி, தெய்வீக உணர்வுகளை வளர்த்துக் கொள்ள வேண்டும்.அவ்வாறு செய்யாமல், காலம் உங்களுக்கு சந்தோஷத்தை அளிக்க வேண்டும் என்று எவ்வாறு நீங்கள் எதிர்பார்க்க முடியும் ? நீங்கள் நல்ல விளைவுகளை எதிர்பார்த்தால், நல்ல உணர்வுகளை வளர்த்துக் கொள்ள வேண்டும். பரிசுத்தமான இதயத்துடனும், நிலைகுலையாத மனத்துடனும் மற்றும் தன்னலமற்ற செயல்களினால், எத்தனை அளவு துன்பத்தையும்,ஒரு கணப் பொழுதில் நீக்கவல்ல தெய்வீக அருளைப் பெறுபவர்களாக நீங்கள் ஆக முடியும். எனவே, எப்போதும் பகுத்தாராய்ந்து, தெய்வீக அருளை அளிக்க வல்ல செயல்களையே மேற்கொள்ளுங்கள்; அது பதிலுக்கு, உங்களுக்கு சாந்தி, சந்தோஷங்களை அளித்து விடும் !