நம்மைச் சுற்றியும், நம்முடனும் இருக்கும் இயற்கை, இறைவனின் அங்கியாகும். அவனது சௌந்தர்யம், நற்குணம்,ஞானம் மற்றும் சக்தியின் சான்றுகள், நம் கண்கள் எங்கு திரும்பினாலும், நம்மைச் சுற்றி எங்கும் நிறைந்து, நமக்குக் காணக் கிடைக்கின்றன.ஆனால், அவனை உணரும் கலை, நமக்கு விசித்திரமாக இருப்பதால், நாம் அவனை மறுத்து, இருட்டில் வாழ்கிறோம். உலகில் உள்ள அனைத்து வானொலி நிலையங்களிலிருந்தும், இசை நம்மைச் சுற்றி எழும்பிக் கொண்டே இருக்கிறது; ஆனாலும், அது ஒரு போதும், நம் காதுகளுக்கு எட்டுவதில்லை. ஆனால், அதைப் பெறும் ஒரு கருவியை வைத்துக் கொண்டு, சரியான அலை வரிசைக்குத் திருப்பினால்,நீங்கள் அந்த ஒலிபரப்பைக் கேட்பீர்கள் ! அதை சரியான அலை வரிசைக்குத் திருப்பத் தவறினால், செய்திக்குப் பதிலாக தொந்தரவு தான் கிடைக்கும் ! அதைப் போலவே, இறைவனும் - மேலும், கீழும், சுற்றியும்,பக்கத்திலும்,அருகிலும், தொலைவிலும்- எங்கும் நிறைந்துள்ளான். அவனை உணர்வதற்கு உங்களுக்கு ஒரு கருவி (யந்த்ரம் ) தேவையில்லை, ஒரு மந்திரம் தேவை. தியானமே, சரியான வானொலி நிலையத்தில் பொறுத்துவதற்கு ஒப்பாகும்; ப்ரேமையே சரியான அலை வரிசைக்குத் திருப்புவதற்கு ஒப்பாகும்; உண்மை நிலையையும் அது அளிக்கும் ஆனந்தத்தையும் உணர்வதே, சந்தோஷமாகவும், தெளிவாகவும் கேட்பதைப் போன்றதாகும்!