அனைத்து ஆண்களும்,பெண்களும்,தெய்வீக மாட்சிமையை உள்ளடக்கிய பெட்டகங்களே. ஆனால், நீங்கள் சிலரை நண்பர்களாகக் கருதி நேசிக்கிறீர்கள், சிலரை, அவர்கள் நண்பர்கள் அல்ல எனக் கருதி வெறுக்கிறீர்கள்; அவர்களை குழுக்களாகப் பிரித்து வைக்கிறீர்கள். சிலர் உங்களுக்கு நல்லது செய்தால், அந்த நல்லதை அவர்களுக்குள் உள்ள தெய்வீகம் எனக் கருதுங்கள்; யாராவது உங்களுக்குத் தீங்கு இழைத்தால்,அவர்களது கவனத்திற்கு இலக்காக ஆனதன் மூலம், அவர்களுக்கு சிறிது திருப்தியை நீங்கள் அளித்துள்ளீர்கள் என்று சந்தோஷப்படுங்கள் ! யாராவது உடலுக்குத் தீங்கு இழைத்தால், முனிவர்கள் பாதிக்கப்படுவதில்லை, ஏனெனில், அவர்களுக்குத் தாங்கள் உடல் இல்லை என்பது தெரியும் ! யாராவது ஆத்மாவிற்குத் தீங்கு இழைக்க முற்பட்டால், முனிவர்கள் அது இயலாத காரியம் என்று அறிவார்கள்; ஏனெனில் ஆத்மா எப்போதும் ஆனந்தமாகவே இருக்கிறது ! ஆன்மீக சாதனையின் மூலம், இன்ப, துன்பங்கள், லாப, நஷ்டங்கள், வெற்றி, தோல்விகள் ஆகியவற்றால் பாதிக்கப்படாத, அந்த முனிவர்களைப் போல ஆகுங்கள். ஒரு சாக்ஷியாக, அதாவது, அதிர்ஷ்டத்தின் அனைத்து களியாட்டங்களையும் ஆர்வமின்றி காணும் ஒரு சாக்ஷியாக இருங்கள். ஆராய்வது (விசார), இவை அனைத்தும், உங்களது மனதின் கண நேரத்தில் கலையும் கற்பனைகளே என்பதை எடுத்துக் காட்டும். ஜபம் மற்றும் தியானத்தின் மூலம் அந்த பரப்ரம்மத்துடன் ஒன்றரக் கலந்து விடுங்கள்.