நடமாடும் கோவிலாக இருக்கும் குடும்ப அங்கத்தினர் ஒவ்வொருவரும், பேணிப் போஷிக்கப் படும் ஆலயமே இல்லம். இறைவனின் இந்த இல்லத்தின் தலை சிறந்த அர்ச்சகர் அன்னையே. பூஜை அறை ஒவ்வொரு இல்லத்தின் நடுநாயகமாக இருக்க வேண்டும்; அதிலிருந்து வரும் மலர் மற்றும் ஊதுபத்தியின் நறுமணம், இல்லம் முழுதும் ஊடுருவி அதைப் பரிசுத்தப் படுத்த வேண்டும். இல்லத்தின் இதயமாக பூஜை அறையை ஆக்குவதில், தாய் ஒரு முன்னோடியாக இருக்க வேண்டும்.தனி நபர் தூய்மை, பணிவு, விருந்தோம்பல், நன்னடத்தை மற்றும் சேவைப் பணி ஆகியவற்றில், குழந்தைகள் மீது ஒழுங்குக் கட்டுப்பாட்டை, தாய் செயல்படுத்த வேண்டும். தானே முன்னுதாரணமாகச் செய்து காட்டி, தாய், குழந்தைகள் பெரியவர்களை மதிக்குமாறு இணங்கச் செய்வதோடு, காலையிலும் மாலையிலும்,சிறிது நேரம் பிரார்த்தனை மற்றும் தியானத்திற்காக ஒதுக்க வேண்டும். பணிவே,இல்லத்தில் பரவி நிறைந்திருக்க வேண்டிய நறுமணம். பயபக்தியே, ப்ரேமையை எண்ணையாகவும், இறை நம்பிக்கையைத் திரியாகவும் வைத்து ஏற்றப்படும் விளக்கு. உங்களது இறைநம்பிக்கை மற்றும் சக்தியின் மூலம், பக்தியும்,சிரத்தையும் இந்த தேசத்தில் அதிகமாகட்டும் என நான் உங்களை ஆசீர்வதிக்கிறேன்.