நீங்கள், பஜன்,பூஜை,தியானம், இவைகளில் ஈடுபடுகிறீர்கள்- இவை எல்லாம் வெறும் உடல் ரீதியான பயிற்சிகளே . என்னுடைய சிறிய ஆன்மீக சாதனையை, ஒரு உயர்ந்த நோக்கத்திற்குப் புடம் போட்டு, என்னால் உயர்த்த முடிகிறதா என்று உங்களை நீங்களே கேட்டுக் கொள்ளுங்கள். எனது இதயம் அதற்காகத் துடித்துக் கொண்டிருக்கிறதா ? இல்லை என்றால், நீங்கள் மனித நிலையிலேயே தங்கி விட்டு, தெய்வீக நிலைக்கு உயராமல் இருக்கிறீர்கள். ’’ ஒரு சிறு மழைத் துளி பெய்வதால், ஒரு ஏரி நிரம்ப முடியுமா?வெறும் எச்சில் உள்ளே செல்வதால், தாகம் தணிந்திடுமா? ஒருவரது மூச்சை இறுக்கிப் பிடித்துக் கொள்வதால் , வயிறு நிரம்ப முடியுமா? புல் கட்டுகளை எரிப்பதால், கொழுந்து விட்டு எரியும் தணலை உண்டாக்க முடியுமா? ‘’ என்று ஒரு கவிஞர் கேட்கிறார். கரி வேண்டும் என்றால், மரக் கட்டைகளை எரிக்க வேண்டும்; கன மழையால் மட்டுமே ஒரு ஏரியை விளிம்பு வரை நிரப்ப முடியும்.; ஒரு டம்ளர் குளிர்ந்த நீர் மட்டுமே ஒரு மனிதரது தாகத்தைத் தணிக்க முடியும்; வேறு எதாலும் முடியாது.உங்கள் இதயத்தை முழுமையாக அர்ப்பணியுங்கள். பக்தி உங்கள் இதயத்தில் நிரம்பி வழிய வேண்டும்.