வேறு எதிலும் இன்றி, நீங்கள் ஆன்மீக சாதனையால் பரிசுத்தப் படுத்தும் போது, கழியும் ஒவ்வொரு நாளும் புனிதமானதாகி விடுகிறது. ப்ரேமை மற்றும் அஹிம்சையால் உரமிடப்படும் ஒரு நிலத்தில் மட்டுமே, ஆன்மீக சாதனைகள் வளர முடியும். இறைவன் பால் கொள்ளும் பக்திக்கு ப்ரேமை மிகவும் இன்றியமையானதாகும். உலகியலான பொருட்கள், பெயர், புகழ், மனைவி மக்கள் போன்றவை மீது நீங்கள் கொள்ளும் அன்பை ,அதிகம் ஆட்கொள்ளும் இறைவன் மீது கொள்ளும் ப்ரேமைக்குக் கீழ் கொண்டு வருவதன் மூலம், புனிதப் படுத்தப் பட வேண்டும். இரண்டு படி பாலில், இரண்டு கரண்டி நீரைச் சேர்த்தால், அந்தத் தண்ணீரின் மதிப்பும் கூட பாலளவிற்கு அதிகமாகி விடுகிறது ! தற்காலத்தில், உங்களது ஆன்மீக சாதனையை, இரண்டு லிட்டர் நீரில் இரண்டு கரண்டி பாலைச் சேர்ப்பது போன்றதே என்று மட்டுமே தான் வர்ணிக்க முடியும் இல்லையா?இறைவன் பால் கொள்ளும் ப்ரேமை உங்களது இதயத்தைப் புல்லரிக்கச் செய்து நிரப்பட்டும் ; பின்னர் உங்களால் எவரையும் வெறுக்க முடியாது, ஆரோக்கியமற்ற போட்டிகளில் நீங்கள் ஈடுபட முடியாது; மேலும் நீங்கள் எவரிடமும் குறை காண மாட்டீர்கள்.வாழ்க்கை மிருதுவானதாகவும், இனிமையானதாகவும்,இதமானதாகவும் ஆகி விடும்.