அர்ஜூனன் அவரைப் பிரார்த்தித்து முன் நின்று வழி காட்டுமாறு வேண்டிய போது பகவான் செய்ததைப் போல,அவர் உங்களுள், ஐந்து குதிரைகளின் ( ஐம்புலன்கள் ) கடிவாளங்களைப் பிடித்துக் கொண்டு இருக்கும், உங்களது சாரதியாக இருக்கிறார் என்பதில் நீங்களே உங்களுக்கு நம்பிக்கை ஊட்டிக் கொள்ளுங்கள். பின்னர், அந்த அதே சாரதி தான் ஒவ்வொருவருக்கும் முன் நின்று வழி நடத்துகிறார் என்பதை நீங்களே நம்புவது உங்களுக்கு எளிதாகி விடும். இந்த நம்பிக்கையில் நீங்கள் உறுதியாக நிலை கொண்டு விட்டால், த்வேஷம் மற்றும் வன்மம்,பேராசை மற்றும் பொறாமை, கோபம் மற்றும் பற்றுதல் ஆகியவை அற்றவர்களாக நீங்கள் ஆகி விடுவீர்கள். இந்த உறுதியான நம்பிக்கை வலுப்பெற வேண்டும் என இறைவனைப் பிரார்த்தியுங்கள்; அவன் உங்களுக்கு சத்தியத்தைக் காட்டி, அவனே, அனைவருள்ளும் உறையும் ஸனாதன சாரதி என்பதை உங்களுக்கு வெளிப்படுத்துவான்.அந்த வெளிப்பாடு, உங்களுக்கு இணையற்ற ஆனந்தத்தை அளித்து, படைப்பின் பன்மடங்குத் தன்மையோடு உங்களுக்கு உறவை உண்டாக்கி விடும்.அவனே உங்களது ஆற்றல், உங்களது உயிர் மூச்சு ,அறிவு மற்றும் ஆனந்தம் என்று அறிந்து கொள்ளுங்கள்; அவனே உங்களுக்காக இவை அனைத்துமாக ஆகின்றான். அவன், உங்களது அனைத்து புலன்கள், மனம்,உள்ளுணர்வு மற்றும் புத்தியை தலை சிறந்த குறிக்கோளை நோக்கி வழி காட்டுவான்; அவனது இறை அருள், உங்களுக்குத் தேவையான அனைத்தையும் அளித்து விடும்.