ஆதி சங்கரர், ஆன்றோரின் நட்பு வட்டத்தில் ( ஸத்ஸங்கம்) , நேரத்தை செலவிடுவதன் முக்கியத்துவத்தை வலியுறுத்தினார். அவர், ஆத்ம சாக்ஷாத்காரத்திற்கு ஸத்ஸங்கமே முதல் மற்றும் முக்கியமான படி என போதித்தார். இங்கு ஒரு சின்ன உதாரணம்;ஒரு கரித்துண்டை, ஒரு கொழுந்து விட்டு எரியும் நெருப்பின் அருகில் வைத்தால், அந்தத் தணலுடன் தொடர்பு கொள்ளும் கரித் துண்டின் பகுதியும் கொழுந்து விட்டு எரியத் தொடங்கும்.இந்த உதாரணத்தில், உங்களது அறியாமையே கரித்துண்டு.கொழுந்து விட்டு எரியும் நெருப்பே ஆன்றோரின் நட்பு வட்டம்.இரண்டும் ஒன்று சேரும் போது, ஸத்ஸங்கத்தின் விளைவுகளுக்கு உட்படுத்தப் பட்ட உங்களது அறியாமையின் பகுதி மட்டுமே நீக்கப் படும். ஆனால், நீங்கள்,ஆன்மீக சாதனை எனும் விசிறியை தொடர்பு கொள்ளும் பகுதியை அதிகப் படுத்துவதற்காக உபயோகித்தால், பின்னர், அறியாமையின் அனைத்து பகுதியும் ஒளி விட்டுப் பிரகாசிக்கும். எனவே, ஆன்றோரின் நட்பு வட்டத்தில் இருந்தால் மட்டுமே போதாது. நீங்கள் ப்ரேம சாதனையையும் கூட அபிவிருத்தி செய்து கொண்டு, நல்லவர்களால் நேசிக்கப் பட வேண்டும். நல்லவர்களுக்கு நெருக்கமாகவும், நேசமுள்ளவர்களாகவும் இருப்பதும் அவசியமாகும்.