இந்த நீண்ட வாழ்க்கைப் பயணத்தில், நீங்கள் குறைந்த சுமையைக் (ஆசைகள் ) கொண்டிருக்க வேண்டும். அதனால் தான், ‘’ குறைந்த சுமை, நிறைந்த சுகம், பயணத்தை ஒரு இன்பமயமானதாக ஆக்குகிறது ‘’ என்று கூறப் படுகிறது. எனவே, இன்று, ஆசைகளுக்கு வரையறை என்பதைத் தான் நீங்கள் பின்பற்ற வேண்டும். நீங்கள் நாளுக்கு நாள் உங்களது ஆசைகளைக் குறைத்துக் கொண்டே வர வேண்டும். ஆசைகள் பூர்த்தியாவதில் தான் சந்தோஷம் இருக்கிறது என்ற தவறான கருத்தில் நீங்கள் இருக்கிறீர்கள்.ஆனால், ஆசைகளை முழுமையாக நீக்கி விடும் போது தான் சந்தோஷம் உதயமாக ஆரம்பிக்கிறது. உங்கள் ஆசைகைளக் குறைத்துக் கொள்ளும் போது, நீங்கள் துறவு நிலையை நோக்கி முன்னேறுகிறீர்கள். உங்களுக்கு பல ஆசைகள் இருக்கின்றன. அதிலிருந்து உங்களுக்கு என்ன கிடைக்கிறது? எதையாவது ஒன்றை உங்களுடையது என நீங்கள் உரிமை கொண்டாடும் போது, அதன் விளைவுகளை நீங்கள் எதிர் கொண்டே ஆக வேண்டும். ஒரு நிலத்தை உங்களுடையது என்று நீங்கள் கொண்டாடும்போது,அதில் விளைவதை நீங்கள் அறுவடை செய்தே ஆக வேண்டும். அஹங்காரம் மற்றும் பற்றுதலின் உணர்வுகள் உங்களை துன்பத்தில் ஆழ்த்தும். அஹங்காரம் மற்றும் பற்றுதலை விட்டு விட்ட அந்தத் தருணமே, நீங்கள் ஆனந்த மயமாக ஆகி விடுவீர்கள் என்பதை ஒருபோதும் மறக்காதீர்கள் !