இந்நாளில், மக்கள் மகிழ்ச்சியான வாழ விரும்புகிறார்களே அன்றி, இலட்சியமான வாழ்க்கை நடத்துவதில்லை. உதாரணமாக, பெற்றோர்கள், குழந்தைகளுக்கு ஒரு நல்ல முன்னுதாரணமாக இருந்து காட்டுவதில்லை. இந்த நவீன யுகத்தில், தந்தை குழந்தைக்கு சரியாக அறிவுறுத்துவதில்லை; குழந்தையும், தாயின் வாரத்தைகளுக்கு மதிப்பு அளிப்பதில்லை. சில நல்ல குழந்தைகள் ஒரு பக்திமயமான வாழ்க்கை நடத்தினால், அவர்களது தந்தையர்கள், ‘’ உங்களுக்கு என்ன பைத்தியமா பிடித்து விட்டது ? பஜனை அல்லது சமூக சேவையில் எல்லாம் பங்கு எடுத்துக் கொள்ளாதீர்கள் ‘’ என்று அதட்டுகிறார்கள். , இப்படி நடந்து கொள்ளும் பெற்றோர்கள்,ஹரியை வழிபட்ட பிரஹலாதனைச் சகித்துக் கொள்ள இயலாத ஹரிண்யகசிபுவைப் போன்றவர்களே. இந்நாளில், திருதராஷ்டிரன் மற்றும் ஹரிண்யகசிபுவைப் போன்ற பல பெற்றோர்கள் இருக்கிறார்கள்; ஆனால், வெகு சிலரே, தங்களது குழந்தைகள் தர்மத்தைப் பற்றி ஒழுகுவதற்கு ஊக்கம் அளிக்கிறார்கள். குழந்தைகள் இன்று, பக்தியைத் தூண்டும் வார்த்தைகளான ஸ்ரீமத் ராமாயணம், மஹாபாரதம் மற்றும் ஸ்ரீமத் பாகவதம் போன்ற வார்த்தைகளை ரசிப்பதில்லை. அவர்கள் , தங்களது நேரத்தை, குப்பையானவற்றைப் படிப்பதில் செலவிடுகிறார்கள். பெற்றோர்கள், தங்களது குழந்தைகள் தீய புத்தகங்களைப் படிக்காமல் இருக்குமாறு பார்த்துக் கொள்ள வேண்டும். ஒரு நாடு முன்னேற வேண்டுமானால், முன்னேற்றம் . பெற்றோர்களிடமிருந்து துவங்க வேண்டும்.