இனிமையும், இளகிய இதயமும் கொண்ட மாணவ , மாணவிகளே! நமது கலாசாரத்தில், நமக்கு,நான்கு கட்டளைகள் உள்ளன; அவையே ‘’ மாத்ரு தேவோ பவ, பித்ரு தேவோ பவ, ஆசார்ய தேவோ பவா, அதிதி தேவோ பவ – உங்களது தாய், தந்தை, குரு மற்றும் விருந்தினரை இறைவனாகவே கருதுங்கள் ‘’ நீங்கள் இந்த உலகில் நுழைந்ததிலிருந்து, உங்கள் தாயார் உங்களை நேசித்து, தனது ரத்தத்தினால் உங்களைப் பேணி, இடையறாது உங்களது நலத்தை விரும்புகிறார். எனவே, முதன் முதலில், அவரை மதிக்க நீங்கள் கற்றுக் கொள்ள வேண்டும். உங்களது தந்தை, உங்களைப் பாதுகாத்து, உங்களது வருங்காலம், நலம் மற்றும் வளத்தைக் குறித்து, இடையறாது சிந்திக்கிறார். எனவே, அவரிடமும் கூட நீங்கள் அன்பையும், மரியாதையையும் காட்ட வேண்டும். தாய், உங்களுக்கு உடலை அளிக்கிறார்; தந்தை அதைப் பேணிக் காக்கும் வழிகளைக் காட்டுகிறார், ஆனால் குரு, உங்களுள் உள்ள புத்தி மேன்மை அடையுமாறு செய்கிறார். வாழ்க்கை என்பது வெறுமனே உண்டு களிப்பது மட்டும் அன்று. கல்வியே, ஒருவர் சமுதாயத்தில் எப்படி நடந்து கொள்வது என்பதை எடுத்துக் காட்டுகிறது. எனவே, இந்தத் திறனை உங்களுக்கு அளிக்கும் குருவும், மதிக்கப் பட வேண்டும். இவை அனைத்தும் பயன்படுத்தக் கூடிய இடம் சமுதாயமே. எனவே, விருந்தினரை,சமுதாயத்தின் பிரதிநிதிகளாகக் கருதி, நாம் அவர்களுக்கு உரிய மரியாதையையும், கௌரவத்தையும் அளிக்க வேண்டும்.