இறைவனது திருநாமத்தை உங்களது வாழ்க்கையின் உயிர் மூச்சாகவே கொண்டு, ஒரு வீழ்ச்சியின் எந்த அச்சமும் இன்றி, வாழ்க்கையின் அனைத்து செயல்களிலும் நீங்கள் ஈடுபட வேண்டும். இறை நாமஸ்மரணையை நீங்கள் நன்கு பயன்படுத்திக் கொண்டால்,உங்கள் வாழ்க்கை புனிதமடையும். நீங்கள் எந்த வேலையைச் செய்தாலும் அவனது திருநாமத்தை உச்சரித்துக் கொண்டே, அதை இறைவனுக்கு ஒரு அர்ப்பணமாகச் செய்யுங்கள். இந்த பிரபஞ்சத்தின் ஒவ்வொரு அணு மற்றும் உயிரணுவிலும் தெய்வீகம் ஒரு நுண்ணிய வடிவில் உறைவதால், நீங்கள் நடந்து செல்லும் போதும் கூட, இறைவனே உங்களை நடக்க வைக்கிறான் என்று எண்ணுங்கள். இந்த சத்தியத்தை உணர முடியாமல், மனிதர்கள், ‘’ நான் நடந்து வந்தேன்;, நான் பல மைல்கள் நடந்தேன் ‘’ என்றெல்லாம் நினைக்கிறார்கள். இப்படிப் பட்ட வேலை பௌதீகமானதே அன்றி, ஆன்மீகமானதல்ல. எனவே, ஒவ்வொரு வேலையையும், இறைவனது ஆணை மற்றும் இறைப்பணி என்றே கருதி, நீங்கள் எதைச் சிந்தித்தாலும், சொன்னாலும் அல்லது செய்தாலும் அதற்கு ஏற்றவாறு செய்யுங்கள். அந்த மனப்பாங்குடன், இறைவனது எந்தத் திருநாமத்தையும், மனதார உச்சரித்து, உங்களது வாழ்க்கையை புனிதப் படுத்திக் கொள்ளுங்கள். பின்னர், நீங்கள் ஆற்றும் எந்தச் செயலும் வெற்றியடையும்.