இந்த (வருடாந்திர ,அகில உலக) அகண்ட பஜனையில் பங்கு பெறும் நீங்கள் மிகப் பெரிய அதிருஷ்டசாலிகள். இறைவனது திருநாமத்தை, அன்புடன் பாடுவதற்கான இந்த மிகச் சிறந்த வாய்ப்பினை நழுவ விடாதீர்கள். பக்த மீரா, தனது நாவில் இறைவனது திருநாமத்தை ஏந்தியவாறே அருந்திய விஷம், அம்ருதமாக மாறி விட்டது. பத்ருஹரி, ‘’ பகவானே ! இந்த சுகங்கள் என்னை விழுங்கிக் கொண்டு இருக்கின்றன; நான், நானாக இருக்க இவை என்னை அனுமதிப்பதில்லை. இல்லை! நான் அவற்றின் பிடிகளிலிருந்து என்னையே விடுவித்துக் கொள்வேன். வற்றாத ஆனந்தம் மற்றும் மகிழ்ச்சிக் கடலான இறைவனிடம் சரணடைவேன். நான் உலகியலான பொருட்களுக்காக ( பதார்த்த) அல்லாது, தலைசிறந்த நன்மையான இறைவனுக்காக ( பரார்த்த ) ஏங்குவேன் ‘’ என்று தனது நிலைமையை எண்ணிப் புலம்பினாராம். பக்தியும், நம்பிக்கையும், பிறப்பு, வாழ்க்கை மற்றும் இறப்பு எனும் தலைசிறந்த சாகசத்தின் மிக உன்னதமான பரிசான ஆத்ம ஞானத்தை உறுதி செய்கின்றன. நீங்கள் பாடும்போது, இந்த உண்மையை மனதில் கொள்ள விழையுங்கள். அவனது திருநாமத்தை அன்பு மற்றும் பக்தியுடன் இடையறாது உச்சரிப்பதை நீங்கள் விடாமல் இருந்தால், நீங்கள் எதைச் செய்தாலும், நீங்கள் யாராக இருந்தாலும், நீங்கள் எந்தப் பணியைச் செய்தாலும், நீங்கள் கண்டிப்பாக வெற்றி பெறுவீர்கள்.