திரௌபதி, அவளைக் காப்பாற்ற வருவதற்காக பகவான் ஸ்ரீகிருஷ்ணருக்கு ஒரு ரதத்தை அனுப்பவில்லை; அவள் தனது இதயத்தின் ஆழ்ந்த வேதனையிலிருந்து, இறைவனது திருநாமத்தை உச்சரித்தாள்; பகவான் ஸ்ரீ கிருஷ்ணர் உடனேயே வந்து, நிகழவிருந்த அவமானத்திலிருந்து அவளைக் காப்பாற்றினார். த்ரேதா யுகத்தில், ஸ்ரீமத் ராமாயண காலத்தில், கட்டிட நிபுணரான நளனும், அவரது வானரர்களும், கடலின் மீது லங்கைக்குச் செல்வதற்கான பாலத்தை அமைத்துக் கொண்டு இருந்தார்கள்; அவர்கள் பொறித்த புனித ஸ்ரீராம நாமம் கொண்ட பாறைகள் நீரில் மிதந்தன. ஆனால், காற்றாலும்,அலைகளாலும், அந்தப் பாறைகள் மிதந்து நகன்று சென்று விட்டன; படைகள் கடந்த செல்வதற்கு ஏற்ற ஒரு தொடர்ச்சியான பாலமாக அவை, அமையவில்லை. யாரோ ஒரு புத்திசாலி, ஒரு பாறையில் ‘’ ரா ‘’ என்ற எழுத்தையும், மற்றொன்றில் ‘’ மா ‘’ என்ற எழுத்தையும் பொறிக்குமாறு அறிவுறுத்தினார்; அப்போது அவை இரண்டும் கெட்டியாக ஒன்றோடு ஒன்று ஒட்டிக் கொண்டதைக் கண்டார்கள். இது இந்நாளிலும், இந்த யுகத்திலும் கூட வேலை செய்கிறது ! இறைவனது திருநாமத்தை இடையறாது உச்சரியுங்கள், அதுவே உங்களுக்கும், இறைவனுக்கும் இடையில் ஒரு பாலமாக வேலை செய்யும்; அது உங்களை அவன் மீது மனதைக் குவிக்குமாறு செய்து, அவனது அளவற்ற கருணையை உங்கள் மீது கொண்டு தந்து விடும் !