உண்மையைச் சொல்லப் போனால், நீங்கள் ப்ரேமையின் திரு உருவங்களே. ப்ரேமை வெள்ளம் ஒரு இதயத்திலிருந்து மற்றொரு இதயத்திற்குப் பாய்ந்து ஓடட்டும். ப்ரேமையை உங்களது வாழ்க்கையாகவே கருதுங்கள்.இதுவே உங்களது தலையாய கடமையாகும். நீங்கள் உலகத்தில் எங்கு வேண்டுமானாலும் தேடலாம். ப்ரேமையை விட உயர்ந்த ஒன்றை நீங்கள் காண முடியாது.மனிதனுள் உள்ள தெய்வீக காந்த சக்தியே ப்ரேமை. அனைத்து புனித இதிஹாசங்களான ஸ்ரீமத் ராமாயணம், மஹாபாரதம் மற்றும் ஸ்ரீமத் பாகவதம் ஆகியவை, ப்ரேமையையே அடிப்படை நீரோட்டமாகக் கொண்டவை.உங்களை அடியோடு வெறுக்கும் எதிரியைக் கூட , உங்களது ஒரு உற்ற நண்பனாக ஆக்க வல்ல காந்த சக்தியே ப்ரேமை.ப்ரேமையை அபிவிருத்தி செய்து கொள்ளுங்கள். இதுவே, உங்களது உலகியலான கல்வியையை விட அதிக முக்கியத்துவம் வாய்ந்ததாகும். ப்ரேமையே வாழ்க்கை. அது மட்டும் அல்லாமல், ப்ரேமையே ஜோதியாகும். அது உங்களது பாதைக்கு ஒளியூட்டி, நீங்கள் குறிக்கோளை அடைய உதவுகிறது. ப்ரேம ஜோதியை உங்களுடன் எடுத்துக் கொண்டு செல்வீர்களானால், உங்களது வாழ்க்கைப் பயணம், பாதுகாப்பாகவும், பத்திரமாகவும் இருக்கும். நீங்கள் ஒருபோதும் இருளைக் காண மாட்டீர்கள். உங்கள் இதயத்தை ப்ரேமையால் நிரப்பிக் கொள்ளுங்கள். ப்ரேமையே இறைவன். ப்ரேமையில் வாழுங்கள், இன்று நீங்கள் கற்றுக் கொள்ள வேண்டியது இதுவே.