அதனுடைய அலகில் ஒரு மீன் இருக்கும் வரை தான், காகங்கள், கழுகைத் தொந்தரவு செய்யும். அதனுடைய வாயிலிருந்து மீனைத் திருடுவதற்காக, அவை பறந்து பறந்து வரும். அந்தப் பறவை சிறிது ஓய்விற்காக ஒரு கிளையில் எங்கு அமர்ந்தாலும், அவை, அதனைத் துரத்தும். இறுதியாக , அது, மீனின் மேல் இருந்த பற்றுதலை விடுத்து ,தனது அலகில் இருந்து அதைக் கீழே போட்டு விடும் ; காகங்கள் அதன் பின்னால் பறந்து சென்று, கழுகைச் சுதந்திரமாக விட்டு விடும். எனவே, புலனின்பங்களை விட்டு விடுங்கள்; தற்பெருமை, பொறாமை, வன்மம் மற்றும் த்வேஷம் எனும் காகங்கள், அவை அழுகிய இறைச்சியையே நாடுவதால், உங்களை விட்டுப் பறந்து ஓடி விடும். இறுதி அறைகூவல் வரும் போது, அந்தப் பயணத்தை நீங்கள் தொடருவதற்கு ஏற்றவாறு, இப்போதிலிருந்தே, பற்றின்மையைக் கடைப்பிடியுங்கள்; ஏனெனில் அந்த அறைகூவல் எப்போது வரும் என்பதை நீங்கள் ஒருபோதும் அறிய மாட்டீர்கள். இல்லை எனில், அந்தத் தருணத்தில், நீங்கள் கட்டிய வீடு,நீங்கள் சேர்த்து வைத்த சொத்து, நீங்கள் ஈட்டிய புகழ் மற்றும் நீங்கள் சாதித்த அற்ப விஷயங்கள் ஆகியவற்றை எண்ணி, நீங்கள் கண்ணீர் வடிப்பீர்கள். இவை அனைத்தும் தாற்காலிகமானவை என்பதை அறிந்து, நீங்கள் எங்கு சென்றாலும் உங்களுடன் இருக்கும் இறைவன் பால் பற்றுதலை அபிவிருத்தி செய்து கொள்ளுங்கள்.