நான்கு விதமான ஆலயங்கள் உள்ளன; ஒன்று வித்யாலயா ( கல்வி தரும் கோவில்), இரண்டாவது போஜனாலயா ( உணவு அளிக்கும் கோவில் ), மூன்றாவது, வைத்யாலயா ( சிகிச்சை அளிக்கும் கோவில் ), நான்காவது தேவாலயா ( இறைவனது கோவில் ). இந்த நான்குமே மனிதன் வழிபட வேண்டிய இடங்களாகும். நீங்கள் ஒரு போஜனாலயாவிற்குச் சென்று, நல்ல மற்றும் சுவையான உணவை உண்டு, சந்தோஷமாக வெளியில் வருகிறீர்கள். நீங்கள் ஒரு வைத்யாலயாவிற்குச் சென்று, ஒரு மருத்துவரை கலந்தாலோசித்து, உங்களை வருத்தும் நோய்க்குத் தேவையான சிகிச்சையை மட்டும் பெறுகிறீர்கள். ஒரு வித்யாலயாவிற்குச் செல்லும் போது, உங்களுக்குப் பிடித்தமான பாடங்களின் அறிவை மட்டுமே நாடுகிறீர்கள். அதைப் போலவே, ஒரு தேவாலயாவிற்குச் செல்லும் போது, நீங்கள் அங்கு சரியான முறையில் நடந்து கொள்கிறீர்களா என்று உங்களையே கேட்டுக் கொள்ளுங்கள். ஒரு கோவிலில் நீங்கள் வழிப்பாட்டில் மட்டுமே கவனம் செலுத்த வேண்டும். இறைவன் பால் மனதைக் குவிப்பதற்கு பதிலாக, நீங்கள் அதை ஏன் இங்கும் அங்கும் திரிந்து, உலகியலான வேலைகளைப் பற்றி சிந்திக்க அனுமதிக்கிறீர்கள் ? இறை அருளை நீங்கள் பெற்று விட்டால் மட்டுமே, ஒவ்வொன்றையும் எளிதாக சாதிக்க முடியும் என்பதை நினைவில் கொள்ளுங்கள் !