உங்கள் இதயங்களை நீங்கள் ப்ரேமையால் நிரப்பி விட்டால, உங்களுக்கு எவர் மீதும் த்வேஷம் இருக்காது. ஒவ்வொருவர் உள்ளும் இறைவன் உறைகிறான் என்ற நம்பிக்கையை வளர்த்துக் கொள்ளுங்கள். ஒரு அற்பணிப்பு உணர்வுடன் இறைவனிடம் சரணாகதி அடைந்து விடுங்கள். பகவான் ஸ்ரீ கிருஷ்ணருக்கும், கோபிகைகளுக்கும் இடையே இருந்த உறவு குறிப்பிடும் உட்பொருள் இதுதான் ; உங்கள் இதயமே பிருந்தாவனம். உங்கள் சிந்தனைகளே கோபிகைகளைப் போன்றவை. ஆத்மாவே ஸ்ரீ கிருஷ்ணர். ஆனந்தமே ஸ்ரீகிருஷ்ணரின் லீலை. ஒவ்வொருவரும் தங்கள் இதயத்தை ஒரு பிருந்தாவனமாக ஆக்கிக் கொண்டு, உள்ளுறையும் ஆத்மாவை ஸ்ரீகிருஷ்ணராகக் கருத வேண்டும். ஒவ்வொரு செயலையும், ஸ்ரீகிருஷ்ணரின் லீலையாகக் கருத வேண்டும். கோகுலாஷ்டமிப் பண்டிகை ஸ்ரீகிருஷ்ணருக்கு பரமான்னம் ( வெல்லத்துடன் சமைக்கப் படும் ப்ரத்யேகமான ஒரு சாதம்) படைப்பதன் மூலம் கொண்டாடப் படுகிறது. இதன் உண்மையான பொருள் பரம்பொருளுக்கு ( பரம்) சம்பந்தப் பட்ட அன்னம் ( உணவு ) என்பதாகும். பரமான்னம் இனிமையானது. உங்களது ப்ரேமையும், இனிமையானதாக இருக்க வேண்டும். நீங்கள் இறைவனுக்குப் படைப்பது உங்களது இனிமையான ப்ரேமையாக இருக்க வேண்டும். உங்களது ப்ரேமை, அனைத்தையும் அரவணைத்துச் செல்வதாக இருத்தல் வேண்டும், இதுவே அவதாரத்தின் மிக முக்கியமான உபதேசமாகும்.