ஒரு பச்சைச் சுரைக்காய் நீரில் மூழ்கி விடுகிறது; உலர்ந்த ஒன்று மிதக்கிறது. பற்றுதல்களையும், ஆசைகளையும் நீக்கி, மனச்சஞ்சலங்கள் மற்றும் கவலைகளைத் தவிர்த்து, உலர்ந்தவர்களாக ஆகி விடுங்கள். பின்னர், நீங்கள் மாற்றம் மற்றும் சந்தர்ப்பங்கள் என்ற நீரால் பாதிக்கப் படாமல் மிதக்க முடியும். தண்ணீர் கூட, நீராவியாக மாறும் போது, வானளவு உயர முடியும். நீங்கள் மேலும் மேலும் உயருவதற்கு ஏற்ப, பளுவைக் குறைத்து, இலகுவானவர்களாக ஆகி விடுங்கள். யோகா என்றால் சித்த விருத்தி நிரோத – மனிதனின் அந்தராத்மாவை கலங்க வைக்கும் உந்துதல்களைத் தடுப்பது . இந்த உந்துதல்கள், பளுவை அதிகமாக்குகின்றன. உங்களைக் கீழ் நோக்கி இழுத்துச் செல்லும் ஆசைகள் இன்றி இருங்கள்; சத்தியத்தை நேருக்கு நேர் சந்திக்க வேண்டும் என்ற ஆவலை மட்டும் கொண்டிருங்கள். அந்த சத்தியம் உங்களுள், பிரகாசித்துக் கொண்டு நீங்கள் கண்டு பிடிக்க வேண்டும் எனக் காத்திருக்கிறது. இறைவன் இதயத்தினுள் உறைபவன் ( அந்தர்யாமி ); எனவே அவனை வெளி உலகில் தேடினால், அவன் அகப்பட மாட்டான். வேறு எந்த சிந்தனையும் இன்றி, அவனை நேசியுங்கள்; அவனின்றி எதற்கும் மதிப்பில்லை என்று கருதுங்கள்; அவனே அனைத்தும் என உணருங்கள். பின்னர் , நீங்கள் அவனுடையவனாக ஆகி விடுகிறீர்கள்; அவன் உங்களுடையவனாகவும் ஆகி விடுகிறான். அதை விட நெருக்கமான உறவு எதுவும் இல்லை.