மஹாத்மா காந்தியின் தாயார் ஒரு கண்டிப்பானவரும், பரிசுத்தமான இதயம் கொண்டவரும் ஆவார். ‘’ யதா ராஜா, ததா ப்ரஜா ( மன்னன் எப்படியோ, மக்களும் அப்படியே)’’ என்பது பழமொழி. அவருக்கு, அவரது பண்புகளைக் கடைப்பிடித்து, குழந்தைகளை அன்பு மற்றும் பாசத்துடன் பேணுபவரான ரம்பா என்ற ஒரு வேலைக்காரி இருந்தார். ஒரு நாள், குழந்தையான காந்தி ரம்பாவிடம் ஓடி வந்து, தனக்கு பயமாக இருக்கிறது என்று கூறினார். ரம்பா அவரிடம், ‘’ அன்பானவரே! அனைத்தையும் பாதுகாக்கும் ஸ்ரீராமசந்திர மூர்த்தி எப்போதும் நம்முடன் இருக்கும் போது , பயப்பட வேண்டிய அவசியம் என்ன. பயம் வரும்போது எல்லாம், ஸ்ரீராம நாமத்தை ஜபிப்பாயாக ‘’ என்று கூறினார். அப்போதிலிருந்து , காந்தி, ஸ்ரீராம நாமத்தை ஜபித்து வந்தார்; தனது இறுதி மூச்சுவரை அவ்வாறு செய்து வந்தார் என்பதை நீங்கள் அனைவரும் அறிவீர்கள். இப்படிப் பட்ட சீரிய இதயம் படைத்த பெண்டிரை இந்நாளில் எங்காவது காண முடிகிறதா? அந்தச் சிறு குழந்தையின் மீது அவள் ஏற்படுத்திய தாக்கத்தைப் பாருங்கள் ! இப்படிப் பட்ட சீரிய இதயம் கொண்ட பெண்டிர் மற்றும் தாய்மார்களால் தான், இளம் குழந்தைகள் தர்மத்தின் பாதையைப் பின்பற்றி நடந்தார்கள்.