நீங்கள் ஒரு கொதிக்கும் இரும்புக் குண்டைத் தொட்டால், உங்கள் கையை அது சுட்டு விட்டது என்கிறீர்கள். உங்களது கையைச் சுட்டது அந்த இரும்புக் குண்டு அல்ல. அந்தக் குண்டில் இருந்த வெப்பமே உங்கள் கையைச் சுட்டெரித்து விட்டது. நீங்கள் அனுபவிக்கும் இன்பத்திற்கோ அல்லது துன்பத்திற்கோ , அந்த இரும்புக் குண்டைப் போல இந்த உலகம், காரணம் அல்ல. உங்களுள் உறையும் தெய்வீக சக்தியை நீங்கள் உணராததால் தான், உங்களது துன்பங்கள் மற்றும் துயரங்களுக்காக, நீங்கள் ஒப்பாரி வைக்கிறீர்கள் ! சூரிய வெளிச்சம் இந்த உலகனைத்தையும் பிரகாசிக்க வைத்து, மனிதர்கள் தங்களது கடமைகளை ஆற்ற உதவுகிறது. ஆனால், மனிதர்களின் இன்ப , துன்பங்களுக்கும் சூரியனுக்கும் ஒரு சம்பந்தமும் இல்லை. எனவே, நீங்கள் எதிர் கொள்ளும் பிரச்சனைகள், உங்களது புலன்கள் மற்றும் மனதிற்கு மட்டுமே சம்பந்தப்பட்டவை ; உங்களது அந்தராத்மாவிற்கு அவற்றோடு எந்த சம்பந்தமும் இல்லை. நீங்கள் ஈடுபடும் எண்ணிலடங்கா உலக விவகாரங்கள், உங்களுக்கு தாற்காலிகமான இன்பங்களைத் தரக் கூடுமே அன்றி, ஒருபோதும், உண்மையான, நிரந்தரமான ஆனந்தத்தை அல்ல. உங்களது உள்ளார்ந்த திருஷ்டியை அபிவிருத்தி செய்து கொள்ளுங்கள். உண்மையான சந்தோஷத்தை அனுபவிக்க, உங்களது உணர்வுகளை பரிசுத்தப் படுத்தி, நிலைகுலையாத, தன்னலமற்ற புத்தியை வளர்த்துக் கொள்ளுங்கள்.