ருக்மணி கல்யாணத்தின் கதை, புருஷா ( பரம்பொருள் ) , ப்ருக்ருதியுடன் ( படைப்பு ) ஒன்றிணைந்ததன் கதையேதான். ருக்மணி, தனிப்பட்ட ஆத்மா ( ஜீவா ), ஸ்ரீகிருஷ்ணரே பரம்பொருள் ( பரமாத்மா ). அவள், இந்தப் படைப்பு திணிக்கும், சட்ட, திட்டங்களால் துன்புறுகிறாள்; அஹங்காரமே அவளது சகோதரன், உலகியலானவையே அவளது தந்தை. ஆனால், அவளது நன்னடத்தையின் காரணமாக, அவளது மனம் இறைவன் பால் நிலை கொள்கிறது. அவளது பிரார்த்தனைகள், தவம்,ஏக்கம் மற்றும் மன உறுதிக்கு அபரிமிதமாக அருள் கிட்டுகிறது. பெற்றோர்கள்,சகோதரன் மற்றும் அனைத்து உறவினர்களும் ஆட்சேபித்தார்கள்; ஆனால், ஒரு ஜீவாத்மா, ஏதோ ஒருவரது கனவில் ஒரு பாத்திரம் ஏற்று நடிப்பதற்காக அன்றி, தனது ஊழ்வினையைக் கழிப்பதற்காகவே பிறப்பு எடுக்கிறது. ஒருவர் தனது சிறைவாசத்தை ஏற்று முடிப்பதற்காகவே பிறக்கிறார்; சிறைவாசம் முடிந்தவுடன் ஒருவர் சுதந்திரம் அடைகிறார். உங்களுக்குப் பிரியமான தோழர் இன்னும் சிறையில் இருக்கிறார் என்பதற்காக, நீங்கள் சிறையிலேயே இருக்க மாட்டீர்கள் ! இந்த உண்மையை சிந்தித்துப் பாருங்கள்; ருக்மணி, ஸ்ரீகிருஷ்ணரை முன்பே சந்தித்ததில்லை; எந்தவிதமான ஆரம்பக் காதல் தேடலும் இல்லை. ஜீவாத்மா ஏங்கியது, அது வெற்றி பெற்றது.