வாழ்க்கை எனும் மரம், தனது வேர்களை,மாறாத,நிரந்தரமான, பிரபஞ்ச மயமான மற்றும் அனைத்திலும் ஊடுருவிய, எதன் ஒரு சிறு பொறியே தனி மனிதனாக இருக்கிறதோ, அந்த ஆத்ம சத்தியத்தை நோக்கி அனுப்பும் போது, அது விமரிசையாக செழித்து வளர்ந்து,ப்ரேமை நிறைந்த சேவை எனும் நறுமண மலர்களையும், இனிய, போஷாக்கு அளிக்கும், ஆனந்தம் எனும் கனிகளையும் அனைவருக்கும் அளிக்கிறது ; நல்லொழுக்கத்தின் அனைத்து இனிமையும்,அதன் ஒவ்வொரு கவளத்தையும், களிப்பூட்டுவதாக ஆக்குகிறது. நீங்கள் வீடு,வாசலை துறந்து விட்டு, தனிமைக்கோ அல்லது காட்டிற்கோ ஓடி விட வேண்டும் என்பது இதன் பொருள் அல்ல. வீடும், வாசலும், காட்டின் அமைதி மற்றும் தனிமைக்கு தொடர்ந்து வராது என்ற எந்த உத்திரவாதமும் இல்லை ; ஏனெனில், உங்கள் மனம் உலகியலான ஆசைகளைப் பிடித்துத் தொங்கிக் கொண்டு இருக்குமானால், உங்களுக்கும், அவற்றிற்கும் நடுவில், சிறிது இடைவெளி வைத்து விடுவதால் மட்டும் நீங்கள் அவற்றிலிருந்து தப்ப முடியாது. நீங்கள் காட்டில் இருக்கலாம், ஆனால், மனம் கடைத் தெருவில் திரிந்து கொண்டு இருக்கக் கூடும். அதைப் போல, நீங்கள் கடைத் தெருவில் திரிந்து கொண்டு இருக்கலாம், ஆனால், ஆன்மீக சாதனையின் மூலம், பரபரப்பான சூழ்நிலைக்கு நடுவிலும், நீங்கள் இதயத்தில் சாந்தியுடன் இருக்க முடியும்.