நீங்கள் எதையும் கேட்காது இருந்தாலும் கூட, ப்ரேம ஸ்வரூபனான, இறைவன் உங்களுக்கு வேண்டியதை எல்லாம் அளித்திடுவான். அவன் அனைத்தும் அறிந்தவன்; குழந்தையின் அழுகுரலுக்குக் காத்திராமல், பாலூட்டும் தாய் அவன். அவனது ப்ரேமை விசாலமானதும் ஆழ்ந்ததும் ஆகும். ஒவ்வொரு தேவையையும் முன் கூட்டியே எதிர்பார்த்து, உங்களுக்கு உதவ ஓடி வருபவன். நீங்கள் எப்போதும் பதற்றத்துடன் என்னைப் பிரார்த்தித்து, உங்களது ஆசைகளின் நீண்ட பட்டியலை என் முன் வைத்துக் கொண்டே இருக்கிறீர்கள். இந்த ஆசைகள், முடிவே இன்றி பெருகிக் கொண்டே போகின்றன. ஒன்று பூர்த்தி ஆனவுடன், அது மற்றும் ஒரு புதிய தொடர்ச்சிக்கு இட்டுச் செல்கிறது. அவனது ஸங்கல்பம் மட்டுமே முக்கியமானது; நீங்கள் அவனது கரங்களில் ஒரு கருவியே என்ற நிலைக்கு வரப் பாடுபடுங்கள். கோபிகைகள், ஸ்ரீகிருஷ்ணரது மாட்சிமை, அழகு, வார்த்தைகள், குறும்புகள், வீலைகள், பொழுது போக்குகள் மற்றும் அவரது சாதனைகள் மற்றும் சாமர்த்தியங்களைப் பற்றி மட்டுமே கேட்க ஆசைப்பட்டார்கள். எப்போது, நீங்கள் உங்களையே, ஸ்ரீகிருஷ்ணன் பால் கொண்ட அன்பால் நிரப்பிக் கொள்கிறீர்களோ, அப்போதே நீங்கள் ஸாரூப்யம் மற்றும் ஸாயுஜ்யத்தை ( அவனை ஒத்த ரூபம் மற்றும் அவனுடன் ஒன்றரக் கலத்தல் ), அடைந்து விடுகிறீர்கள். அதை விடத் தாழ்ந்த வெற்றிக்களுக்காக அல்லாது, அந்தப் பரிபூரணத்துவத்திற்காகப் பாடுபடுங்கள்.