மனக்குழப்பங்கள், புலன்கள் மற்றும் உணர்வுகளின் உந்துதல்கள் ஆகியவற்றை, இறைவனை நோக்கித் திருப்பி விடுவதன் மூலம், இறைவனுடன் ஒன்றரக் கலக்கும் பேரானந்தத்தை வெகு எளிதாக நீங்கள் பெற , பக்தி உதவுகிறது. கோவில்களில், இறைவனை பல்வேறாக வழிபடும் முறைகள், இந்தக் கருத்தைச் சித்தரிக்கின்றன. அதிகாலையில் ’’இறைவனை எழுப்புவது ‘’ என்பதில் தொடங்கி, நள்ளிரவில் “ இறைவனைப் பள்ளி அறையில் வைப்பது ‘’ போன்ற பல சடங்குகளை நீங்கள் கண்டிருப்பீர்கள்.இந்த சடங்குகள் அனைத்தும், அலைபாயும் மனதை உயர்நிலைக்கு கொண்டு சென்று, பக்தியை வளர்ப்பதற்காக ஏற்பட்டவை.ஒவ்வொரு நிகழ்வும் அதற்கே உரித்தான உணர்வை, ஒரு தனிச்சிறப்பான, அழகான முறையில் புடம் போட்டு உயர்த்துவதற்கு உதவுகின்றன.இந்த உயர்நிலை அனுபவத்தில், கீழ்த்தரமான உணர்வுகளின் குழப்பங்கள் குறைந்து, மறைந்து விடுகின்றன. ஒரு சாதாரண வாழ்க்கையின் உலகியலான, கொச்சையான உணர்வுகள், பரம்பொருளின் வழிபாடு மற்றும் அர்ப்பணிப்பு என்ற ஒரு நிலைக்கு உயர்த்தப் படுகின்றன. நீங்கள் எந்த உணர்வை இறைவனுடன் சம்பந்தப் படுத்துகிறீர்களோ, அதை அவன் உங்களுள் வரவழைக்கின்றான். ஜெயதேவர்,துக்காராம், சூரதாஸர், ராதா மற்றும் மீரா ஆகியோர்கள், இறைவனை எவ்வாறு ஒரு அதிப்ரேம ஸ்வரூபனாகக் கருதினார்களோ, அவ்வாறு சிந்தித்தால், அவனும், தன்னையே, மிக நெருங்கியவனாகவும், நேசமுடையவனாகவும் வெளிப்படுத்திக் கொள்வான்.