உங்களது செயல்களைப் பொறுத்தே, உங்களது விதி நிர்ணயிக்கப் படுகிறது. தார்மீகமான செயல்களால், மனம் பரிசுத்தப் படுத்தப் படுகிறது; ஒரு பரிசுத்தமான மனதில் ஞானம் உதயமாகிறது. நீங்கள்,காலையில் இறைவனை வழிபடும் போது, நீங்கள் செய்ய உத்தேசித்திருக்கும் பணிகளுக்கு, நீங்கள் நமஸ்காரம் செய்ய வேண்டும். கர்ம தேவதைக்கு, நீங்கள், ‘’ இன்று நான், பரிசுத்தமான, குறிக்கோளுடைய மற்றும் பயனுள்ள பணிகளை மட்டுமே செய்வேனாகுக ‘’ எனப் பிரார்த்திக்க வேண்டும். உங்களது பிறப்பின் சூழ்நிலைகள், உங்களது கடந்த கால வினைகளின் ஒரு பலனாகும். பணி ( கர்மா), பிறப்பு ( ஜன்மா ), தர்மம் ( தர்மா ) மற்றும் வாழ்வின் மர்மம் ( மர்மா ), யாவும் தெய்வீகத்துடன் (ப்ரம்மன் ) இணைக்கப் பட்டவையே. அவை அனைத்தும், ஒரு கட்டிடத்தின் நான்கு சுவர்களைப் போன்றவை. முதலாவது சுவர் கர்மா. ஒருவர் தனது மனம் போன படி எல்லாம் செயலாற்றக் கூடாது. எதையாவது செய்யும் முன், நீங்கள், அது முறையானதா அல்லது முறையற்றதா என ஆலோசிக்க வேண்டும். எதையும், அவசரமாகவோ அல்லது அந்தத் தருணத்தின் உந்துதலின் படியோ செய்யக் கூடாது. அதன் பிறகே, உங்களது செயல்கள், ரஜோ மற்றும் தமோ குணங்களின் கறைகள் இன்றி, சாத்வீகமானதாக இருக்கும்.