சுதந்திர தினத்தின் சந்தோஷத்தைக் கொண்டாடும் வெற்றிச் சின்னமே தேசீயக் கொடி.ஒவ்வொரு நாட்டிற்கும் அதற்கே உரித்தான கொடி உண்டு. ஒருவரது கீழ்த்தரமான உணர்வுகள்,உந்துதல்கள்,ஆர்வங்கள்,உணர்ச்சிகள் மற்றும் ஆசைகளின் மீது பாராட்டக் கூடிய வெற்றியைப் பெற்றதன் சின்னமான மற்றொரு கொடியின் மீது கவனம் செலுத்துங்கள்- இதுவே ஒவ்வொரு மனித இதயத்திலும் ஏற்றப்பட வேண்டிய கொடியாகும். இந்த வெற்றியைப் பெறும் போது தான், நீங்கள் பாரத கலாசாரத்தின் உண்மையான வாரிசுகளாக ஆகிறீர்கள். ஒவ்வொருவரும் தங்களது தாய் நாட்டை நேசிக்க வேண்டும். ஆனால், அது பிறரது தாய்நாட்டை வெறுப்பதற்கு இட்டுச் செல்லக் கூடாது. எனவே, நீங்கள், ‘’ அனைத்து உலகங்களும் சாந்தி, சந்தோஷத்துடன் இருக்கட்டும்‘’ எனப் பிரார்த்திக்க வேண்டும். உங்களது சாந்தி, சாந்தோஷங்கள், உலகின் சாந்தி, சந்தோஷத்துடன் இணைந்திருக்கிறது என்பதை எப்போதும் நினைவில் கொள்ளுங்கள். நீங்கள் செய்யும் எந்த த்வேஷம் நிறைந்த அல்லது வன்முறையான செயலும், உலகின் சூழ்நிலையை மாசு படுத்தி விடும். நீங்கள் எந்த ஜீவராசியைப் போற்றினாலும், அந்தப் போற்றுதல் இறைவனை சென்றடைகிறது; ஏனெனில் அவன் ஒவ்வொரு ஜீவராசியின் உள்ளும் உறைகிறான். எந்த ஜீவராசியையும் நீங்கள் அவமதியுங்கள்; அந்த அவமதிப்பும் கூட இறைவனையே சென்றடைகிறது. எனவே, எங்கும் அனைவரிடத்திலும், உங்களது ப்ரேமையை விசாலமாக்கிக் கொள்ளுங்கள்.