ஒரு மனிதன் இறக்கும் போது,அவனது சொத்து மற்றும் உடமைகள் வீட்டிலேயே தங்கி விடுகின்றன;அவை, அவனுடன் வருவதில்லை.அவனது சொந்தங்களும் கூட உடன் செல்ல முடியாது; அவன் ஈட்டிய நல்ல அல்லது கெட்ட பெயரே இங்கு நிலைத்து நிற்கும்.எனவே, வருங்காலம் உங்களை நன்றியணர்வுடனும், சந்தோஷமாகவும் நினைவு கூறும் வகையில் நீங்கள் வாழ வேண்டும். நல்ல வாழ்க்கை வாழ, உள்ளுறையும் தெய்வத்தின் இடையறாத உந்துதல், ஒரு மிகச் சிறந்த உதவியாகும். அந்த உத்வேகத்தை, இடையறாத இறை நாமஸ்மரணை மற்றும் உள்ளார்ந்த தெய்வீக ஊற்றினை நினைவு கூறுதல் ஆகியவற்றின் மூலம் மட்டுமே பெற முடியும். இறைவனது அருளைப் பெறுவதற்கும், அவனது இருக்கையை உணருவதற்கும்,அவனது ரூபத்தை மனதில் சித்தரிப்பதற்கும், அவனது மகிமையை நினைவு கூறுவதற்கும், அவனது திருநாமம் ஒரு விலை மதிப்பற்ற கருவியாகும். இதயபூர்வமாக, காலையில் ஒருமுறை, மாலையில் ஒரு முறை என்று அவனது திருநாமத்தை உச்சரித்தால் கூட, அதுவே ஒரு வீட்டை ( க்ருஹம் ), ஒரு குகையாக ( குஹ ) அல்லாது, ஒரு இல்லமாக ஆக்கி விடும். ஜயதேவர், துக்காராம், கபீர், சூர்தாஸ், துளசிதாஸ் அல்லது ராமகிருஷ்ண பரமஹம்ஸர் போன்ற தலைசிறந்த ஆன்றோர்கள் அந்தத் திருநாமத்தில் திலைத்து இருந்ததன் மூலம், எவ்வளவு சந்தோஷமாகவும், திருப்தியாகவும், கவலையற்றும் இருந்தார்கள் என்பதை எண்ணிப் பாருங்கள்.