என்னுடைய தெய்வீக இயல்பைப் பற்றிய மேலும் அனுபவங்கள் வேண்டும் என நீங்கள் கூக்குரலிடுகிறீர்கள்; அதிலிருந்து உங்களது நம்பிக்கை வலுப்பெறக் கூடும் என நீங்கள் கேட்கிறீர்கள். கடல் நீரின் சுவையை உணர, நாக்கில் ஒரு சொட்டு வைத்தால் போதாதா? நீங்கள் அனைத்தையுமா குடிக்க வேண்டும்? உங்களது அலைபாயும் தன்மை, அஹங்காரம் மற்றும் கர்வமே உங்களைச் சந்தேகப்படவும், நீங்கள் ஒருமுறை சுவைத்ததை மறுக்கவும் வைக்கிறது ! ஒரு முறை கிடைத்த அனுபவம் போதாதா? நல்லது, நான் கேட்கிறேன் , ஒரு குறுகிய அளவு படைத்த ஒன்றால், அளவற்ற ஒன்றின் ஆழத்தை அறிய முடியுமா? ஒரு எறும்பு , எவ்வாறு, ஒரு மலையை ஆய்ந்தறிய முடியும்? என்னை, மதிப்பிடுவது என்பது உங்களுக்கு அப்பாற்பட்டது. உங்களது பொறுப்பாகவே இருந்தாலும் கூட, ஒரு தனிக் குடும்பத்தின் பிரச்சனைகளைக் கையாளவே உங்களுக்குப் பொறுமை இல்லை. அளவற்ற ப்ரேமையுடன், கோடிக்கணக்கான குடும்பங்களின் பிரச்சனைகளைக் கேட்டு, அவற்றைத் தீர்த்து வைக்கும்படி செய்யும் எனது பொறுமை எப்படிப் பட்டது என்பதைக் கற்பனை செய்து பாருங்கள். உங்களை என்னுடன் இணைக்கும், இந்த உலகிற்கெல்லாம் அப்பாற்பட்ட பந்தத்தின் வலிமையை உங்களால் ஒருபோதும் புரிந்து கொள்ள இயலாது. அந்த பந்தத்தின் அனுபவம் உங்களை அறியாமைலேயே, உங்களுக்கு வரும். அந்தத் தருணத்திற்காக காத்திருப்பது உங்கள் கடமையாகும். நம்புங்கள், ஆசீர்வதிக்கப் படுவீர்கள் !