கோபம், ஒரு கொடூரமான விஷமாகும். அது, கண்கள், நாக்கு மற்றும் கைகளிலிருந்து வெளிப்படும் ஆவிகளால் மற்றவர்களை பாதிக்கிறது. ஒரு விஷ மரத்தின் விதை ஒரு விஷச் செடியாக வளருகிறது; அது ஒரு பெரிய மரமாக ஆகும் போது, அதன் இலைகள், பூக்கள் மற்றும் பழங்கள் அனைத்தும் கூட, கண்டிப்பாக விஷமயமானதாகவே இருக்கும். அதைப் போலவே, கோபத்திற்கு அடிமையான ஒருவரால், சிந்தனை, சொல், மற்றும் செயலால் விஷத்தை மட்டுமே வெளிப்படுத்த முடியும். ஒரு கோபமயமான சிந்தனை, மனிதனுள் இருக்கும் மனம் எனும் மானஸரோவர் ஏரியில் எறியப்பட்ட ஒரு கூழாங்கல்லைப் போன்றதாகும். அது பல வட்ட அலைகளாக உருவெடுத்து, ஏரி முழுவதும் பரவி விடுகிறது. கோபம் என்பது இளைஞருடைய முன்னேற்றத்தை மிகவும் பாதிக்கும் ஒன்றாகும். அந்த விஷம் உங்கள் மனதில் புகுந்து விடுவதைத் தடுக்க அனைத்து விதத்திலும் பாடுபடுங்கள். ப்ரேமை, பரிவு,சேவை உணர்வு ஆகியவற்றை வளர்த்துக் கொண்டு, பிறருடன் ஒத்துழைக்கும் அனைத்து சிந்தனைகளுக்கும் ஊக்கம் அளியுங்கள். உங்களுள் நீங்கள் தெய்வீகத்தைக் காண வேண்டும் ; அதைப் போலவே, ஒவ்வொருவருள்ளும் தெய்வீகத்தைக் காணுங்கள்.