ஒரு முறை நீங்கள் ஒரு குருவைப் பெற்றவுடன் அனைத்தையும், முக்தி பெற வேண்டும் என்ற விருப்பதைக் கூட, அவரிடம் விட்டு விடுங்கள்; உங்களை நீங்கள் எந்த அளவு அறிந்து கொள்ள முடியுமோ அதை விட, அதிகமாகவே அவர் உங்களை அறிவார். உங்களுக்கு எவ்வளவு நல்லதோ, அந்த அளவு அவர் உங்களுக்கு வழி காட்டுவார். உங்களது கடமை அவருக்கு அடி பணிந்து, அவரை விட்டு விலகுவதற்கான எந்த இயல்பையும் செயலிழக்கச் செய்வது மட்டுமே. பிறகு, குருவிடமிருந்து, ஒரு நாமம் அல்லது மந்திரத்தைப் பெற்று அதை உச்சாடனம் செய்ய வேண்டிய அவசியம் எதுவும் இல்லை. குரு அல்லது இறைவனின் ஆணை, குருவின் நாமம் அல்லது இறைவனின் நாமத்தை விட மிகவும் முக்கியமானதாகும். அவரது ஆணைகளை அனுசரித்து, உந்துதல்களை தூய்மைப் படுத்தாமல், அதே சமயம் நாமஸ்மரணை செய்வதால் என்ன பயன்? குருவை நீங்கள் மிகச் சிறந்த முறையில் பயன்படுத்திக் கொள்ள வேண்டும்; அதே அளவு இந்த புட்ட பர்த்தியையும் பயன்படுத்திக் கொள்ள வேண்டும். சாந்தி, சந்தோஷங்களைப் பெறுவதற்கான திறன்கள், இறைவனது அருள், ஆன்மீக சாதனைகளைப் பற்றிய பாடங்கள், ஸத்ஸங்கத்தின் பலன்கள் ஆகியவற்றை நீங்கள் இங்கு பெற வேண்டும் ; தெய்வபக்தி அற்றவர்களின் நட்பு வட்டத்தில் புலன்களின் திருப்தியை நாடுவதன் மூலம், உங்களது நேரம் மற்றும் சக்தியை வீணடித்து விடாதீர்கள்.